د افغان ـ ترك له خوا د علومو اكاډمي يو شمېر استادان په تقديرنامو ووياړل شو! - د افغانستان د علومواکاډمي

د افغان ـ ترك له خوا د علومو اكاډمي يو شمېر استادان په تقديرنامو ووياړل شو!

په هغه غونډه كې چې د افغان ــ ترك ليسې په بېلابېلو پروګرامونو كې د علومو اكاډمي د علمي غړو د فعال ګډون په مناسبت د تقدير نامو د تفويض لپاره د علومو اكاډمي د كنفرانسونو په تالار كې جوړه شوې وه ، د علومو اكاډمي دانشمندانو هر يوڅېړنپوه  محمد اكرم شهيم ، څېړنپوه  عبدالحكيم ساپي ، څېړنپوه  محمد صيام صيام ، څېړنوال  عبدالجميل ، څېړنوال  بشير افغان صالح   او څېړنوال  ميراسحق ميرزاد ته هغه تقديرنامې چې د افغان ــ ترك لېسې د ادارې له خوا تهيه شوې وې ، وركړل شوې .

غونډه د محقق مولوي عزيز ګل ساپي له خوا د قرآن كريم د څو مباركو اياتونو په تلاوت سره پېل شوه ، وروسته آغلې  محققې زبېده عصمتي د موضوع په اړه خبرې وكړي او د غونډې ګډون والو ته يې د اړوندې موضوع په اړه معلومات وركړل ، بيا د علومو اكاډمي د طبيعى علومو د برخې مرستيال څېړنپوه  دكتور نجم الدين ترين د غونډې په اړوند مفصلې خبرې وكړي او  د افغان ــ ترك ليسې له ادارې يې مننه وكړه او د استادانو فعال ګډون يې په داسې پروګرامونو كې وستايه او دغه لاسته راوړنه يې د علومو اكاډمي لاسته راوړنه وبلله .

بيا د علومو اكاډمي د طبيعي علومو د معاونيت علمي غړي   څېړنوال ميراسحق ميرزاد  د افغان ــ ترك ليسې د اړوندو برنامو په اړه مفصل او هر اړخيز معلومات وركړل ، د غونډې په پاى كې د بشري علومو د معاونيت علمي غړي څېړنپوه  عبدالحكيم ساپي لنډې خبرې وكړې او دغه لاسته راوړنه يې د علومو اكاډمي او افغان  ــ ترك د ليسې گډې هلې ځلې وبللې او په دې برخه كې د لا همكاريو او علمي مرستو د پياوړتيا غوښتنه وكړه ، غونډه  د اسلامي علومو د معاون څېړنوال سيف الرحمن ستانكزي په دعائيه سره پاى ته ورسيده .

نېټه : ۲۱ \ ۸\ ۱۳۹۳