د علمی او اکاډمیک شخصیتونو په اړه سمینارونه - د افغانستان د علومواکاډمي

د علمی او اکاډمیک شخصیتونو په اړه سمینارونه

 

سیمینار علمی - تحقیقی

سوله د اسلام له نظره او په افغانستان کې یې د پلې کېدو لارې چارې

سوله د اسلام له نظره او په افغانستان کې یې د پلې کېدو لارې چارې
د روان کال غوايې د میاشتې په ۴ نېټه د(سوله د اسلام له نظره او په افغانستان کې یې د پلې کېدو لارې چارې) تر سرلیک لاندې د افغانستان په علومو اکاډمي کې سیمینار دایر شو، چې د علومو اکاډمي د غړو تر څنګ حکومتي چارواکو، دملي شورا او سولې شورا غړو او دیني علماوو په کې ګډون کړی وو. غونډه د قران عظیم الشان په مبارکو ایاتونو سره پیل شوه، او ورپسې د هېواد ملي سرود وغږول شو. د غونډې په پیل کې ډاکټر محمد نبي مصداق د ولسمشر پیغام ولوست، په پیغام کې سوله د ژوند له اساسي ضرورتونو څخه ګڼل شوې وه، او سوله د علم او فرهنګ د پراختیا او د انساني او اسلامي فرهنګ د پرمختګ کیلي یاده شوې وه.
ولسمشرخپل پیغام کې د باعزته تلپاتې او د افغانانو په مالکیت د سولې په راتګ باندې ټینګار کړی و اود علومو اکاډمۍ دغه کار یې ستایلی وه او دغه ډول سمینار جوړېدل یې د سولې لپاره مهم ګڼلی و.
د اسلامي علومو معاون محترم برهان الدین نیازی پخپله افتتاحییه وینا کې جګړه د بدمرغیو مور وګڼله او تپل شوې جګړې څخه د خلاصېدو لپاره يې په هېواد کې د دغه شان علمي- څېړنیز سیمینار د دايرېدو په اړتيا خبرې وکړې. هغه سوله د بد مرغیو څخه د خلاصون یواځينۍ لار وبلله، او ویې ویل چې دغه جګړې په هېواد کې بې د شمېره کونډو، یتیمانو او معیوبینو سبب شوې ده. هغه زیاته کړه چې رسول الله ص په خپل ټول ژوند کې د سوله يیز ژوند په راتګ ټینګار کاوه. هغه د جګړې له ښکېلو خواوو څخه وغوښتل څو سوله غوره کړي او له جګړې لاس واخلي.
محترم مولوي شهزاده شاهد دعلماو شورا ویاند، ګډونوالو ته د علماوو شورا په استازیتوب وینا وکړه، هغه وویل چې د اسلام دین یو جامع او کامل دین دی او د ټولو موضوعاتو په اړه ایتونه راغلي ،خو د سولې په اړه مشخص ایتونه راغلي دي ،چې موږ دې ته تشویقوي څو موږ په سوله کې ژوند وکړو، هغه وویل چې سوله د پرمختګ، عبادت او اقتصادي ودې د پراختیا لپاره ډېره اړینه ده. هغه وویل د مومنانو ترمنځ جنګ او وینه تویېدنه د اسلام له نظره جایز نه ده او څنګه چې په جهاد، زکات او نورو چارو باندې امر شوی دی نو همداسې د مسلمانانو تر منځ په سولې او ورورولۍباندې هم امر شوی دی.
سید مصطفی سیدي د کابل ښاروالۍ د ټولنیزو خدمتونو رئیس د کابل ښاروالۍ پیغام ولوست. په پیغام کې راغلي وو، چې اسلام د مسلمانانو تر منځ په سوله ټینګار کړی دی، هغه زیاته کړه که چېرې د سولې لپاره په هڅو کې د علمي او اکاډمیکو نهادونو رول زیات شي نو سولې ته رسېدل به اسانه شي.
د سیمینار بل ګډونوال مولوي عطا‌ء الله لودین د سولې شورا غړي، د سولې په اړه په خپلو خبرو کې وویل چې افغانستان د ډېرو حساسو شرایطو څخه د تېریدو په حال کې دی او د افغان سولې لپاره ملي او بین المللي هڅې روانې دي او هېله مندي یې وښوده، چې په نژدې راتلونکي کې به په هېواد کې د سولې شاهدان واوسو. هغه وویل نژدې ۴۰ کاله وشول چې هېواد د سولې پر ځای د یو تخاصم په حالت کې دی په داسې حال کې چې د بشري ټولنو اصلي حالت سوله ده، نه تخاصم، نفرت او کرکه.
هغه د حدیبې سولې ته اشاره وکړه چې څنګه هغه سوله د مسلمانانو د قوت او پیاوړتیا سبب شوه او په اسلامي تاریخ کې یې د سولې او مصالحې ځینو واقعو ته اشاره وکړه. هغه وویل چې زمونږ سوله باید تل پاتې، عادلانه او په هېواد کې د څو کلونو د لاسته راوړنو او ارزښتونو د ساتلو سبب شي. ښاغلي لودین له ټولو خواوو څخه وغوښتل چې د سولې لپاره واحد نظر ولري او د سولې لپاره باید ټولې هڅې سره منسجم او منظمې کړي.
د حج او اوقافو وزارت مسلکی معین، امین الدین مظفري د علومو اکاډمي له رهبري څخه مننه وکړه چې په داسې یوې مهمې موضوع باندې یې سیمینار جوړ کړی دی ، نوموړي وویل چې انبیاء د دې لپاره راغلي دي چې د ټولنې اصلي حالت چې سوله ده، ثابت وساتي او که چېرې د دوی ترمنځ کومه نزاع پېښېږي هغه حل کړي. هغه نظامي فشارونه د سولې لپاره مؤثره نه ګڼي او د نزاع او دښمني له منځه وړلو لپاره یوازنۍ لاره مصالحه ګڼي. هغه له علماوو څخه وغوښتل چې په خپلو بیانونو او ويناوو کې د سولې په اړه د ایاتونو او حدیثونو ذکر وکړي او هغه خلکو ته تشرېح کړي. نوموړي زیاته کړه تر هغې چې یوه ملي اجماع رامنځته نشي نو د سولې راتګ به ممکن نه وي. هغه په بین المللي سولې ټینګار وکړ او ویې ویل چې جګړه د افغانانو تر منځ ده او سوله هم باید د افغانانو تر منځ وشي.
پروفیسور دکتوراسدالله محقق جهاني د پوهنې وزارت سلاکار، روانه جګړه تپل شوې وبلله او ویې ویل چې جګړه د هېڅ لوري په ګټه نه ده او هېوادوال نور له جنګه ستړي شوي دي. او په هېواد کې يې په ملي وحدت او یووالي ټینګار وکړ.
محترم مولوي عبدالسلام عابد د علماو د مجمع شورا مرستیال، سوله الهی امر، د بشر عقلي غوښتنه، خیر او نیکي وګڼله او ويې ویل چې هيڅوک حق نه لري چې له خپل ملت څخه د سولې نعمت واخلي او هغه لارې چې پرې سولې ته رسېږو بندې کړي.
په ولسي جرګه کې د بدخشان د خلکو استازي محترم واقف حکیمي وویل چې د منازعاتو د حل لپاره او هغو ته د قاعدو ټاکلو لپاره د علمي- څېړنیزو سیمینارونو جوړول اړین وبلل څو په هر اړخیز ډول ټول مسایل په کې وڅېړل شي. هغه وویل چې د سولې لپاره باید فشارونه هم موجود وي تر څو د جګړې خواووې یو بل سره خبرو ته کښیني نوموړي زیاته کړه چې مونږ باید د دې هېواد د اوسېدونکو په توګه دا مسؤولیت واخلو څو په هېواد کې روانې جګړې ته د پای ټکی کېږدو. هغه وویل چې د دولت د مخالفو ډلو سره باید د نزاع ټکي روښانه او مشخص شي، تر څو ورته د حل لارې و لټول شي.
د سیمینار دوهمه برخه د مقالو لوستلو ته ځانګړې شوې وه چې د علمي غړو لخوا د سولې په اړوند د بېلابیلو عنوانونو لاندې مقالې ګډونوالو ته وړاندې شوې. څېړنپوه سید حبیب شاکر د سولې پېژندنه او ارزښت تر سر لیک لاندې مقاله وړاندې کړه چې د سولې، د سولې ارزښت او په ځانګړي ډول د افغاني سولې په اړه او همدارنګه د سولې د مرکچیانو په ځانګړتیاوو یې هر اړخیز معلومات په کې راغونډ کړي وو. د سیمنیار د دوهمې مقالې عنوان د سولې احکام او ډولونه وو چې د څېړنپوه فضل الرحیم محمود له خوا لیکل شوې وه، چې د سولې د ډولونو او د قراني ایاتو او احادیثو په رڼا کې د سولې اړتیا يې څېړلې وه. هغه وویل چې د سولې ردول د خیر ردول دي او په سوله کې باید ایجاب او قبول وشي یعنې د نزاع دواړو خواوو له لوري د سولې توافقات ومنل شي.
معاون سرمحقق محمد اعظم طارق خپله مقاله د (موانع خارجي تحقق مصالحه در افغانستان و راه های برطرف نمودن آن) تر سرلیک لاندې لیکلې وه او د هېواد د سولې او جګړې په قضیه کې یې د ګاونډیو او سیمه ییزو هېوادونو د لاس لرل او په دې اړه یې سیمه ییز رقابتونه او نور هغه بهرني فکتورونه چې په هېواد کې د جګړې د اوږدېدو سبب ګرځېدلي، څېړلي وو. نوموړي په هېواد کې سولې ته د رسېدو لپاره د سیمه ییزې اجماع را منځته کیدل اړین وبلل. همدا ډول د اسلامي علومو د معاونیت غړي څېړنوال عبدالرحمان عادل په (هېواد کې د سولې په وړاندې داخلي خنډونه) څېړلي و، چې د مقالې لومړۍ برخه د ټولنې دودیز خنډونه دوهمه برخه یې اقتصادي او دریمه برخه یې هم سیاسي خنډونو او وړاندیزونو ته ځانګړې شوې وه نوموړي زیاته ګړه،چې د جکړې یو شمېر داخلي خنډونه په هېواد کې ځینې ګوندونه، زورواکې او نامسؤوله وسله واله مافیا، د هېواد طبیعي- اقتصادي زېرمې، په دین کې افراط او تفریط، اداري فساد، غصب، نا انډوله انکشاف، د واک او شتمنیو انحصار، د سیاسي پوهې کمزورتیا، او د هېواد ستراتیژیک موقعیت د سولې په وړاندې د خنډ اساسي ټکي یاد کړل. څېړنیار عبدالقهار عزیزي (اوربند د سولې پیلامه) تر عنوان لاندې خپله علمي څېړنیزه مقاله ولوستله، هغه په سوله کې د اوربند تاریخې اهمیت او په افغاني سوله کې یې اوربند د سولې لومړی ګام وباله. ددې تر څنګ یې متارکه یا لنډ مهاله سوله او د سولې تړون په اړه تحقیق کړی و. د مناقشې څخه وروسته د سیمینار ارزیابي د علومو اکاډمي د علمي منشي څېړنوال ډاکتر احمدشاه عمر وردګ له لوري وشوه. د سیمینار په وروستیو کې پریکړه لیک هم ولوستل شو، او په اختتامیه دعا سره دا علمي څېړنيز سيمينار پای ته ورسېده.

 

 

سیمینار علمی - تحقیقی

بررسی مسله کمبود آب در شهر های بزرگ افغانستان و راه های حل آن

بتاریخ ۲۸ عقرب ۱۳۹۸ تدویر یافت

 

د افغانستان په لویو ښارونوکې داوبو د کمښت د ستونزې څېړنه او د حل لارې علمي څېړنيز سيمينار ته د علومو اكاډمي د عمومي رئيس څېړنوال دكتور عبدالظاهر شكيب د وينا متن

نحمده و نصلى على رسوله الكريم ، أما بعد فأعوذ بالله من الشيطان الرجيم
بسم الله الرحمن الرحيم
قال الله تبارک و تعالی : وَجَعَلْنَا مِنَ الْمَاءِ كُلَّ شَيْءٍ حَيٍّ صدق الله العظيم
په تالار کې ناستو درنو پوهانو،څېړونکو، مېلمنو، خویندو او ورونو ! السلام علیکم ورحمة الله وبرکاته !
تر هرڅه وړاندې ننني علمي څېړنيزې غونډې ته ستاسو د راتګ هر کلى كوم او د علومو اکاډمۍ په استازيتوب درڅخه د زړه له کومي مننه کوم.
قدرمنو ! اوبه د خدای تعالی د مخلوقاتو د ژوند د پايښت لپاره خورا ستر او مهم الهي نعمت دی. د انساني ژوند پيل هم د لومړي ځل لپاره د روانو اوبو او سیندونو په غاړو کې شوی. اوبه د سترو انساني تمدنونو د رامنځته کېدو لامل هم ګرځېدلي او ځينې بشري تمدنونه خو د روانو اوبو د سیندونو په نامه هم یاد شوي، لکه د بين النهرين ( دجلې او فرات) مدنيت ، د مصر يا نيل مدنیت، د اورال مدنیت او داسې نور.
د اسلام مبارك دين هم د انسانانو، نباتاتو او نورو مخلوقاتو د پيدايښت او پايښت برخلیک له اوبو سره تړلی، چې د قران عظیم الشان دا وینا : وَجَعَلْنَا مِنَ الْمَاءِ كُلَّ شَيْءٍ حَيٍّ د دې خبرې غوره ثبوت دی. همدغه اهمیت او ارزښت ته په کتلو نن سبا اوبه د بشري پرمختګ خورا مهم او ستر عنصر ګڼل کېږي. بشر د انساني ژوند د تاریخ په بهیر کې تل د اوبو په لټه کې و او نن سبا د نړۍ هېوادونه او پکې مېشت ولسونه هم په دې لټه کې دي، چې د اوبو زېرمې په واک کې ولري او ان په نړیواله کچه ځينې پوهان دې روانې پېړۍ ته د اوبو پېړۍ وايي.
په نولسمه پېړۍ کې اوبه د وړیا ډالۍ په توګه کارېدلې، خو په شلمه پېړۍ کې د وګړیو د ډېرښت او د صنعت له بېسارې ودې سره انسانانو ته د څښاک د پاکو او خوږو اوبو برابرول یوه نړیواله ستونزه شوه او اوس د نړۍ په ډېرو سترو صنعتي سیمو کې انسانانو ته د څښاک لپاره خوږې او پاکې اوبه نه رسېږي. د ځینو څېړنو پر بنسټ پخوا یو انسان لږ تر لږه له ۱۲ څخه تر ۱۸ لېټرو پورې خوږې اوبه کارولې، خو په نولسمه پېړۍکې په پرمختللیو هېوادونو کې هر وګړی د ورځې نږدې له ۴۰ نیولې تر ۶۰ لیټرو پورې اوبه کاروي، د شلمې پېړۍ په پای کې دغه کچه لس ځله نوره هم ډېره شوې او د هرې ورځې په تېرېدو سره لا ډېرېږي.
كه له یوه اړخه د نړۍ له صنعتي کېدو سره د هرې ورځې په تېرېدو اوبو ته د انسانانو اړتیا ډېرېږي، نو له بل اړخه د ځينو مهمو لاملونو له امله د هرې ورځې په تېرېدو د خوږو اوبو کچه ټېټېږي. د ملګرو ملتونو د یوې احصايې پر بنسټ په نړۍ کې هرکال نږدې ۹۰ ملیارده لېټرو خوږو اوبو ته اړتیا ډېرېږي، ځکه هر کال نږدې نوي میلیونه وګړي ډېرېږي، خو په مقابل کې د خوږو اوبو زېرمې مخ په كمېدو دي . ښايي د تېلو او نورو اړینو موادو بدیل وموندل شي، خو د خوږو اوبو بدیل نشته، ځکه د نړۍ په ټولو اوبو کې د خوږو اوبو اندازه ډېره كمه ده، خو له هغې ورځې چې اوبه په نړیوال سیاست کې لکه د تيلو په څېر د یوه سټراټيژیک عنصر په توګه پېژندل شوي، نو په نړیواله کچه د هېوادونو په دوه اړه خیزو اړیکو کې د اوبو فکټور خورا مهم رول لري او افغانستان، چې د روانو اوبو پراخې زېرمې لري د خپلو اوبو پر سر د ځینو ګاونډیو هېوادونو له دغه ناوړه سیاست سره مخامخ دی.
په نړیواله كچه د چاپیریال تودوخه ، د افغانستان په بېلابېلو سیمو کې وچکالي، په کور دننه د موسمي اوبو د خوندي کولو عدم مدیریت، د ځنګلونو، ونو او بوټو په بې رحمانه ډول وهل، کورنۍ جګړې، ښاري ژوند ته په بې سارې کچه لېوالتیا، د ښاري ژوند د فرهنګ نه مراعتول، بېکاري، د جنګ جګړو له امله بې ځایه کېدل، د لویو ښارونو بې انډوله او بې پلانه پراختیا، د ژورو څاګانو خپل سري کېندنه او ځینې نورې ناقانونه کړنې ددې لامل شوي، چې د افغانستان په بېلابېلو سیمو په ځانګړي ډول د ګڼ مېشتو ښارونو د شاوخوا سیمو تر ځمکې لاندې اوبو زېرمې د هرې ورځې په تېرېدو سره کمېږي، ورسره په ښارونو کې د سټنډرډ کانالېزاسیون نه شتون تر ځمکې لاندې اوبه ككړې کړي دي او د څښاک وړ نه دي او له بده مرغه دا ستونزه د هرې ورځې په تېرېدو سره د افغانستان په ټولو ښارونو کې ډېرېږي. د دې موضوع همدغه اهمیت ته په کتو د افغانستان د علومو اکا‌ډمۍ د طبیعي علوم معاونیت د ځمکپوهنې مرکز دغه سمینار جوړ کړی دی، زه هیله من یم، چې پوهان او څېړونکي به ددغې مهمې موضوع د حل په اړه په خپلو مقالو کې علمي طرحې او وړاندیزونه ولري.
زه خپلې خبرې نورې نه اوږدوم په پاى كې يو ځل بيا نننۍ علمي غونډې ته ستاسو د راتگ هر كلى كوم .
ستاسو له توجه مننه

شماره موضوع
1 اجندا سیمینار بررسی مسله کمبود آب در شهر های بزرگ افغانستان و راه های حل آن
2 بخش دوم اجندا سیمینار بررسی مسله کمبود آب در شهر های بزرگ افغانستان و راه های حل آن
3 قطعنامه سیمینار بررسی مسله کمبود آب در شهر های بزرگ افغانستان و راه های حل آن

 

سیمینار علمی – تحقیقی

بازتاب افغانستان در افکار علامه محمد اقبال لاهوری

بتاریخ ۲۳ عقرب ۱۳۹۷ تدویر یافت

نن چهار شنبه د عقرب په ۲۳مه نېټه د افغانستان د ترکمنو ښځو د ټولنې لخوا د علومو اکاډمي د کنفرانسونو په تالار کې د (بازتاب افغانستان در افکار علامه محمد اقبال لاهوري) تر سرلیک لاندې څېړنيز سمينار جوړ شو.
سيمينار د ولسمشر په پېغام پيل شو چې د ولسمشر د سلاکار نبي مصداق له خوا ولوستل شو وروسته د علومو اکاډمي رئیس څېړنوال ډاکټر عبدالظاهر شکیب او د افغانستان د ترکمنو ښځو د ټولنې استازي محمد انور نوري ويناوې وکړې.په دویم سیشن کې د علومو اکاډمي علمي غړو او راغلو مېلمنو د خپلو څېړنیزو مقالو په ترڅ کې د افغانستان په اړه د علامه اقبال په دریځ رڼا واچوله او د سیمې او افغانستان لپاره یې د علامه اقبال د وړاندې کړې نسخې عملی کول اړین وبلل .

سیمینار علمی - تحقیقی

آزادی بیان از دیدگاه شریعت اسلامی

بتاریخ ۱۴ عفرب ۱۳۹۷ تدویر یافت

پرون دوشنبه د روان کال د عقرب په ۱۴مه نېټه د افغانستان علومو اکاډمي د اسلامي معاونیت د تفسیر او حدیث ریاست لخوا د (د بیان آزادي د اسلامي شریعت له نظره) تر سرلیک لاندې علمي-څېړنیز سیمینار جوړ شو. سیمینار د ولسمشر ډاکټر محمد اشرف غني د پيغام په لوستلو او د علومو اکاډمي لوی ریاست د سرپرست ښاغلي ډاکټر څېړنوال عبدالظاهر شکیب په پرانيستونکې وينا پيل شو . وروسته د اسلامي علومو د برخې مرستیال څېړنوال برهان الله نیازی،د عدلیې وزارت مسلکي مرستیال ښاغلي محمد قاسم حلیمي،د پوهنې وزارت د اسلامي زده کړو مرستیال شفیق صمیم،د افغانستان د علماوو د سرتاسري شورا استازي عطاالله لودین،د منابرو د توحید شورا رییس مولوی عبدالسلام عابد،د سولې د عالي شورا استازی قاضي امین وقاد، او د بشري حقونو د ماشومانو د هماهنګۍ د برخې ریس نجیب الله ببرکزي ویناوې وکړې او په دویم سیشن کې د علومو اکاډمۍ علمي غړو او یو شمېر نورو مېلمنو خپلې علمي-څېړنیزې مقالې واورولې.همدا شان په نوموړي سیمنار کې د افغانستان د سترې محکمې، د اطلاعاتو او فرهنګ وزارت ،د حج او اوقاف وزارت،د بشري حقونو د خپلواک کمیسون،کابل پوهنتون پیغامونه هم واورول شول.

شماره موضوع
1 اجندای سیمینار علمی - تحقیقی (آزادی بیان از دیدگاه شریعت اسلامی)
2 پیام جملالتمآب ریس جمهور اسلامی افغانستان محمد اشرف غنی احمدزی
3 متن بیانیه ریس اکادمی علوم به مناسبت سیمینار (آزادی بیان از دیدگاه شریعت اسلامی)
4 قطعنامه سیمینار علمی - تحقیقی (آزادی بیان از دیدگاه شریعت اسلامی)

 

سیمینار علمی - تحقیقی

۸۳۵ مین سالزاد مولانا جلالدین محمد بلخی

بتاریخ ۱۰ سنبله ۱۳۹۷ تدویر یافت

شماره موضوع
1 اجندای سیمینار علمی - تحقیقی «۸۳۵ مین سالزاد مولانا جلالدین محمد بلخی»
2 پیام جلالتمآب ریس جمهور اسلامی افغانستان محمد اشرف غنی احمدزی
3 متن بیانیه رئیس اکادمی علوم به مناسبت سمینار«۸۳۵ مین سالزاد مولانا جلالدین محمد بلخی»
4 قطعنامه سیمینار علمی - تحقیقی « ۸۳۵ مین سالزاد مولانا جلالدین محمد بلخی»

سیمینار علمی – تحقیقی

    

«اهمیت سیاسی، اقتصادی و امنیتی پروژه تاپی در افغانستان»

    

بتاریخ 21/5/1397 تدویر یافت

شماره موضوع
1 اجندای سیمینار علمی - تحقیقی «راهمیت سیاسی، اقتصادی و امنیتی پروژه تاپی در افغانستان»
2 پیام جلالتمآب ریس جمهور اسلامی افغانستان محمد اشرف غنی احمدزی
3 متن بیانیه رئیس اکادمی علوم به مناسبت سمینار«راهمیت سیاسی، اقتصادی و امنیتی پروژه تاپی در افغانستان»
4 قطعنامه سیمینار علمی - تحقیقی «راهمیت سیاسی، اقتصادی و امنیتی پروژه تاپی در افغانستان»

سیمینار علمی – تحقیقی

«راههای جلوگیری از فقر و گدایی در شریعت اسلامی»

بتاریخ 15/5/1397 تدویر یافت

شماره موضوع
1 اجندای سیمینار علمی - تحقیقی «راههای جلوگیری از فقر و گدایی در شریعت اسلامی»
2 پیام جلالتمآب ریس جمهور اسلامی افغانستان محمد اشرف غنی احمدزی
3 متن بیانیه رئیس اکادمی علوم به مناسبت سمینار«راههای جلوگیری از فقر و گدایی در شریعت اسلامی»
4 قطعنامه سمینار علمی - تحقیقی «راههای جلوگیری از فقر و گدایی در شریعت اسلامی»

سیمینار علمی – تحقیقی

«بدخشان در گستره فرهنگ و تاریخ»

بتاریخ 23/4/1397 ش الی 25/4/1397ش تدویر یافت

 

اکادمی علوم افغانستان، ضمن احیای مفاخر وارزشهای فرهنگی، ادبی، هنری، اجتماعی، طبیعی و نظایر آنها مصمم است؛ تا نقطهُ وصل بین عام مردم افغانستان به خصوص محققین و پژوهشگران این سرزمین باشد. بدین منظور سیمینار علمی- تحقیقی را، به مناسبت معرفی داشته های مادی و معنوی بدخشان روی دست گرفت که به تعداد چهل عنوان مقالات از دانشمندان مختلف کشور به شمول دانشمندان بدخشانی پیرامون مسایل:(فرهنگی، ادبی، طبیعی، خدمات علمی دانشمندان، محیط زیست، حیات وحش، نباتات طبی و نظایر آنها) نگاشته شد، در مدت سه روز به خوانش گرفته شد.

سیمینار مذکور از تاریخ 23/4/1397 ش آغاز و به تاریخ 25/4/1397 ش اختتام یافت. در سیمینارمذکورجمع کثیری از علاقه مندان، شایقین، استادان پوهنتون های دولتی و خصوصی، نماینده گان وزارت خانه ها، شخصیت های علمی چون: پوهاند دکتورنعمت الله شهرانی مشاور ريس جمهور، دکتور محمد ایاز نیازی استاد پوهنتون کابل، امان الله پیمان وکیل مردم در شورای ملی، عبدالشکور واقف حکیمی عضو شورای رهبری و سخنگوی حزب جمعیت اسلامی افغانستان، میرزا محمد یارمند معین پیشین اداری وزارت امور داخله و دها تن از بزرگان و دانشمندان شناخته شده کشور؛ همچنان علما، متنفذین، اعضای جامعهُ مدنی، شورای عالی صلح، شورای ژورنالیستان، اطلاعات وفرهنگ، جوانان به شمول آقایان و خانم ها از ولایت بدخشان اشتراک نموده به شکوه و معنونیت سیمینارمذکور افزودند.

در ختم سیمینار بعد از مباحث علمی قطعنامهُ (13) ماده ای به تصویب رسید که شامل موارد ذیل میگردد.

شماره موضوع
1 اجندای سیمینار علمی - تحقیقی " بدخشان در گستره فرهنگ و تاریخ "
2 پیام جلالتمآب ریس جمهور اسلامی افغانستان محمد اشرف غنی احمدزی
3 متن بیانیه رئیس اکادمی علوم به مناسبت سمینار" بدخشان در گسترۀ فرهنگ و تاریخ"
4  قطعنامه سیمینار علمی - تحقیقی " بدخشان در گستره فرهنگ و تاریخ"