د میوکارډ د ST قطعې صعود لرونکې احتشاء د اپیدمیولوژي او خطري فکتورونو څېړنه

Ezatullah_admin
Sat, Jun 19 2021 3:23 PM
د میوکارډ د ST  قطعې صعود لرونکې احتشاء د اپیدمیولوژي او خطري فکتورونو څېړنه

د تازه چاپ شوي اثر معرفي:

د کتاب نوم: د میوکارډ د ST قطعې صعود لرونکې احتشاء د اپیدمیولوژي او خطري فکتورونو څېړنه

لیکوال: څېړنوال ډاکټر ضیاءالرحمن حقمل

خپروونکی: د افغانستان د علومو اکاډمي د اطلاعاتو او عامه اړیکو ریاست

د کتاب لنډه پېژنده:

د میوکارډ د ST قطعې صعود لرونکې احتشاء (ST-elevated myocardial infarction) یوه بېړنۍ طبي پېښه ده، چې د یوه یا څو Epicardial اکلیلي شریانونو د حاد او بشپړ بندښت له امله پېښېږي، د تعریف له مخې STEMI یو کلينیکي سندروم دی، چې د مایوکارډ د ځانګړو اسکیمیک اعراضو سره یوځای په الکتروکاردیوګرافي کې د ST قطعه خط وصفي او معند لوړېدلو (پورته کېدل) په تعقیب د مایوکارډ له نکروز څخه آزادو شویو بایومارکرونو سره مل وي.

د حاد اکلیلي سندروم د زیاترو پېښو مسئولیت په ابتدايي ډول د اتېروسکلېروزس (Atherosclerosis) په غاړه دی؛ په اټکلي ډول د حادې قلبي احتشاء 90٪ پېښې په اتېروسکلېروزس اخته اکلیلي شریان کې په آني ډول د ترومبوس د جوړېدلو او د همدې ترومبوز په واسطه د اتیروسکلیروتیک اکلیلي شریان د بندېدلو له امله رامنځته کېږي؛ د اتیروسکلېروزس لپاره نه تغییرېدونکي خطري فکتورونه له عمر، جنس او د زړه د اکلیلي ناروغیو مخکې له وخته رامنځته کېدلو کورنۍ تاریخچې څخه عبارت دي؛ د اتېروسکلېروزس لپاره د تغییر وړ خطري فکتورونه له سګرټ څکولو او یا هم د تمباکو د نورو انواعو کارونه، د وینې د کلسترول او ترای ګلیسرایډ د سویې لوړوالی، Dyslipidemia، د شکرې ناروغۍ، د وینې لوړ فشار، چاغي په ځانګړي ډول د خېټې چاغوالی، روحي ټولنیز فشارونه، د آرامه ژوند کولو عادتونه او د تمریناتو کموالی او د مېوې او سبزیو کم مصرف څخه عبارت دي.

دغه علمي څېړنیزه پروژه د میوکارډ د ST قطعې صعود لرونکې احتشاء د اپیدمیولوژي او خطري فکتورنو د څېړنې تر عنوان لاندې په پنځو څپرکو کې لیکل شوې ده.

په لومړي څپرکي کې د موضوع شالید، په دوهم څپرکي کې له نویو او عصري طبي سرچینو څخه په ګټه اخیستنه د همدې ناروغۍ علمي برخه، په درېیم څپرکي کې د همدې ناروغۍ اپیدمیولوژيکي څېړنه او په څلورم څپرکي کې د همدې ناروغۍ د خطري فکتورونو څېړنه او په پنځم څپرکي کې د موضوع علمي او روغتیايي ارزښت او بیا د رسالې په وروستیو کې د څېړنې څخه لاسته راغلې پایلې او وړاندیزونه او سرچینې ځای په ځای شوې دي.

د دې رسالې څېړنیزه برخه د کابل ښار په څلورو لویو روغتونونو (صدري ابن سینا روغتون، د جمهوریت ملي اختصاصي روغتون، د وزیر محمد اکبرخان روغتون او د امیري طبي کمپلکس) کې تر سره شوې ده. په مجموعي ډول د STEMI 496 ناروغان په دې څېړنه کې شامل دي.

د دې علمي اثر د محتوياتو لومړني مخونه په لاندې لينک کې لوستلی او ترلاسه کولی شئ:

https://asa.gov.af/.../%D8%AF%20%D9%85%DB%8C%D9%88%20%DA...

یادونه: دغه کتاب د علومو اکاډمي د اطلاعاتو او عامه اړیکو ریاست څخه په مناسبه بيه ترلاسه کولی شئ.

د اړيکې شمېره: 0202201279

Latest news

Sun, Jul 13 2025 12:54 PM
Background image

Legal Challenges to the Use of Artificial Intelligence in Afghanistan

Today, on the 2025-07-12, an academic research conference was held under the title "Legal Challenges to the Use of Artificial Intelligence in Afghanistan". The event was organized. . .

Sun, Jul 13 2025 11:15 AM
Background image

The Role of Artificial Intelligence in Social Media

Assist Prof Hekmatullah Aziz, a research fellow at the Center for Social Sciences, Department of Human Sciences, Academy of Sciences of Afghanistan, delivered a scholarly presentation. . .

Tue, Apr 15 2025 11:52 AM
Background image

"The Afghanistan Quarterly Journal" has just released its latest publication

This academic-research journal, published by the Afghanistan Science Academy, features articles by various authors on economic, social, and cultural topics in English. The newly. . .

BACK TO NEWS