«د ننګرهار د ټولنیز ــ اقتصادي جوړښت څېړنه ( ۱۳۹۱ ــ ۱۳۹۶)» اثر چاپ شو
دا د څېړنپوه دکتور محمد علم اسحق زی اثر دی چې د افغانستان د علومو اکاډمي د اطلاعاتو او عامه اړیکو ریاست له خوا خپور شوی دی.
د کتاب لنډه پېژندنه
په دې تحقیقي اثر کې له ۱۳۹۱ ــ ۱۳۹۶ هــ. ش کال پورې د ننګرهار ولایت د ټولنیز ــ اقتصادي جوړښت په اړه هر اړخیزه څېړنه ترسره شوې ده.
د کتاب لومړی فصل د موضوع شالید ته ځانګړی شوی دی، په دوهم فصل کې د ننګرهار ټولنیز- فرهنګي جوړښت څېړل شوی، په درېيم فصل کې د ننګرهار ولایت اقتصادي سکتورونه څېړل شوي او په اړه یې تفصیلي معلومات وړاندې شوي دي. د اثر په څلورم او وروستي فصل کې د ننګرهار ولایت د عایداتي سرچینو په اړه څېړنه شوې او یادې عایداتي سرچینې په تفصیل سره معرفي، تحلیل او څېړل شوې دي.
د اثر په وروستۍ برخه کې له څېړنې څخه لاسته راغلې پایلې، وړاندیزونه او مأخذونه راغلي دي.
د دې علمي اثر د محتوياتو لومړني مخونه په لاندې لينک کې لوستلی او ترلاسه کولی شئ:
https://asa.gov.af/.../%D8%AF%20%D9%86%D9%86%DA%AB%D8%B1...
یادونه: دغه کتاب د علومو اکاډمي د اطلاعاتو او عامه اړیکو ریاست څخه په مناسبه بيه ترلاسه کولی شئ.
د اړيکې شمېره: 0202201279
