د تفکر جریدې نوې ګڼې چاپ او خپرې شوې!
د افغانستان د علومو اکاډمي ویاړي چې د تفکر میاشتنۍ جریده له ۱۴۹۴لمریز کال راهیسې د ژبو او ادبیاتو مرکز د وروڼو قومونو د ژبو او ادبیاتو انسټیټوټ د علمي- څېړنیز، ادبي، فولکلوري او فرهنګي خپرنیز ارګان په توګه په اوزبیکي، ترکمني، بلوڅي، نورستاني، پشه يي، پامیري(شغناني) او ګوَري ژبو نشـرات لري. دې جریدې د یاد انسټیټوټ د خپرنیز ارګان په توګه له پیله تر دې دمه د پورتنیو ژبو د ژبې، ادب، فولکلور او فرهنګ په اړه د بېلابېلو څېړونکو او لیکوالو بېلابېلې مقالې او لیکنې خپرې او نشـر کړي دي چې د همدې لړۍ په دوام یې دا دی د ۱۴۰۱لمریز کال د زمري، وږي، تلې، لړم، لیندۍ، مرغومي او سلواغې میاشتو اووه ګڼې تازه له چاپه راوتلې دي.
د یادو ژبو پوهان، څېړونکي او لیکوالان خپلې مقالې او لیکنې د تفکر جریدې مدیریت ته د چاپ او خپراوي په موخه را استولی شي.
یادې ګڼې له لاندې تړوني [لینک] څخه کتلې او هم ښکتهکولای شئ:
