د“حجاب” اثر چاپ شو!
د مفتي محمد شفیع عثماني رحمه الله کتاب (تفصیل الخطاب في تفسیر آیات الحجاب)، چې د علومو اکاډمۍ د ژباړې مرکز رئیس، مولوي احمدالله هاشمي ژباړلی، د اطلاعاتو او عامه اړیکو ریاست چاپ کړ.
په دغه کتاب کې د حجاب مسأله د اوو آیتونو او اویاوو حدیثونو له مخې څېړل شوې او تطبیق شوې ده او حجاب یې پر درېوو درجو وېشلی، چې لومړنۍ دوې یې منصوصي او غیر اختلافي دي او درېمه یې اختلافي او اجتهادي ده چې د ټولو مذاهبو رأیه په کې بیان شوې ده. په پای کې یې خبره اتفاق ته ور ټوله کړې ده.
د کتاب ژبه عام فهمه او محتوا یې د هر چا تر غوږونو او زړه پورې آسانه رسېدای شي.
دغه کتاب دري ژبې ته هم ژباړل شوی، چې ډېر ژر به چاپ شي.
د دغه اثر د منځپانګې لومړي مخونه په لاندې لينک کې لوستلی او تر لاسه کولی شئ...
يادونه: دغه کتاب د علومو اکاډمۍ د اطلاعاتو او عامه اړيکو له رياست څخه په مناسبه بيه تر لاسه کولای شئ.
د اړيکې شمېره: ۰۲۰۲۲۰۱۱۷۹
