پښتو ژبپوهنیز سیند کتاب چاپ شو!
پښتو ژبپوهنیز سیند چې د پښتو ژبپوهنې په برخه کې یو مغتنم او په اړونده برخه کې لومړنی اثر دی چې د بامیانو پوهنتون استاد پوهنمل محمد عثمان څولېزي لیکلی او د افغانستان د علومو اکاډمي د اطلاعاتو او عامه اړیکو ریاست له خوا چاپ شو.
دغه اثر (ژبپوهنيز سیند) د خپل ډول له مخې ژبنی تخصصي او مسلکي دوه ژبيز (انګلېسي - پښتو) قاموس دی، چې د ژبپوهنې پر اصطلاحاتو د پوهېدنې لپاره له پښتو اداینې سره چمتو شوی دی.
په عمومي ډول د ژبپوهنيزو اصطلاحاتو د زده کړې لنډ، روان او ساده قاموس دی، چې ليکوال د شونتيا تر برېده هرې انګرېزي کلمې یا اصطلاح ته په پښتو ژبه کې یوه، دوه، درې یا ډېرې معناوې پيداکړي چې په قاموس کې د راغليو انګرېزي کلمو او اصطلاحاتو د معنا په پوهاوي کې له لوستونکو سره ډېره مرسته کوي.
د ژبپوهنې د زده کوونکو، مینه والو او د ژبنیو مسايلو په برخه کې د ژبې څېړونکو لپاره ډېره مهمه او اړينه ده چې پر ژبپوهنيزو اصطلاحاتو وپوهېږي. د نړۍ په ګڼو ژبو کې پوهانو د ژبنیو چارو د اسانتيا لپاره د ژبپوهنې د علم د ترمينالوجي او اصطلاحاتو د تشرېح لپاره ډېر یو ژبيز، دوه ژبيز او څو ژبيز قاموسونه ليکلي دي.
د نورو معلوماتو لپاره تاسو کولای شئ چې دعلومو اکاډمي وېبسایټ ته سر ورښکاره کړئ!
https://asa.gov.af/sites/default/files/2023-01/Linguistic%20Dictionary.pdf
يادونه: دا کتاب د علومو اکاډمي د اطلاعاتو او عامه اړيکو له رياست څخه په مناسبه بيه تر لاسه کولای شئ!
د اړيکو شمېره: ۰۲۰۲۲۰۱۲۷۹
