«د نورستان په فولکلوريکو ادبياتو کې د ځينو متلونو او اصطلاحاتو لنډه تحليلي کتنه»
علمي- څېړنيز کنفرانس
کابل: د ژبو او ادبیاتو مرکز علمي غړې څېړنوالې عاطفې نورستانۍ « د نورستان په فولکلوريکو ادبياتو کې د ځينو متلونو او اصطلاحاتو لنډه تحليلي کتنه» په نوم علمي- څېړنيز کنفرانس وړاندې کړ.
دغه کنفرانس چې د دوشنبې په ورځ د ۱۳۹۹لمريز کال د تلې مياشتې په ۷مه ترسره شو، په کې لسګونو د علومو اکاډمي پوهانو او څېړونکو ګډون کړی وو.
آغلې نورستانۍ د يادې موضوع په اړه وويل:
د نورستان ولسي متلونه او اصطلاحات سربېره پردې چې روزنيزه او اصلاحي بڼه لري، طنزي اړخ هم لري او يوې کيسې ته يې اشاره شوې ده چې نکلونه يې ډېر په زړه پورې دي.
د نورستان د ژبې اصطلاحات او متلونه سيمه ييزې معناوې او توپيرونه لري چې د دې ژبې د ويونکو د ټولنې او اوضاع حالات، چاپېريال، دودونه او نورې فرهنګي ځانګړنې په کې په روښانه ډول څرګندېږي.
