د علومو اکاډمي ستر کتابتون د ګرانو هېوادوالو په خدمت کې!
د افغانستان د علومو اکاډمي مرکزي کتابتون د وخت د انجمنونو او هغو مؤسسو د کتابتونونو له ادغام څخه چې علومو اکاډمي له هغو څخه ایجاد شوې ده، جوړ شوی او اوسمهال د هېواد له سترو او غني کتابونو څخه دی.
د علومو اکاډمي مرکزي کتابتون کې د ټولو علومو (بشري، اسلامي او طبيعي) تحقیقي – څېړنیز کتابونه او مجلې موجود دي.
دغه لرغونی کتابتون لاندې څلور برخې لري:
۱- د توزیع برخه.
۲- د ریفرنس برخه.
۳- د مجلو او جریدو برخه ده.
۴- د خطي نسخو برخه.
دغه کتابتون د مطالعې لپاره ارامه فضا لري چې زموږ قدرمن هېوادوال کولی شي د خپلو څېړنو، لیکنو او مطالعې لپاره ترې استفاده وکړي. اوسمهال دې کتابتون ته د ورځې کابو ۵۰ استادان، پوهان، څېړونکي، محصلین او داسې نور کسان مراجعه کوي او د دې کتابتون له علمي او تحقیقي آثارو څخه استفاده کوي.
د يادولو ده چې د کتابونو پر د ډيجټيلایزیشن هم کار روان دی.
د علومو اکاډمي دغه ستر او بډای کتابتون ستاسو ټولو په خدمت کې دی!
پته: کابل، شهرنو، شاه بوبو جان د جومات کوڅه.
د ټيلفون شمېره: ۰۲۰۲۲۰۱۲۷۹
