د امام بخاري او امام ترمذي د بين المللي سيمينارونو د جوړېدو په اړه غونډه وشو
نن شنبه د ثور د مياشتې په اتلسمه نېټه د علومو اکاډمي د رئيس څېړنپوه دکتور عبدالظاهر شکیب په مشرۍ د امام بخاري او امام ترمذي د بين المللي سيمينارونو د جوړېدو په اړه لومړنۍ غونډه وشوه ، په غونډه کې د جمهوري رياست د دفتر رياست په استازولۍ ښاغلي سيد حميد سادات او حج او اوقافو وزارت استازي او د علومو اکاډمي د اسلامي علومو د برخې معاون ، رئيسانو او يو شمېر استادانو ګډون کړی و، په غونډه کې د سيمينار په اړه په اړوندو مسايلو بحث وشو او پرېکړه وشوه چې د سيمينار لپاره دې علمي ، تدارکاتي ، فرهنګي او تشريفاتي کميسونونه جوړ شي او راتلونکې اوونۍ کې دې غونډې ته خپل ګزارشونه وړاندې کړي. بايد يادونه وکړو چې دا سيمينار به په نږدې راتلونکې کې د سيمې او نړۍ د اسلامي هېوادونو په ګډون په افغانستان کې جوړ شي.
