د پېښور او د هغه د شاوخوا د ځينو لهجو څېړنه
د علمي – څېړنیزو پروژو د پېژندنې لړۍ:
د پروژې نوم: د پېښور او د هغه د شاوخوا د ځينو لهجو څېړنه (۱)
څېړونکی: د علومو اکاډمي د ژبو او ادبیاتو مرکز د پښتو ژبې او ادبیاتو د انستیتيوت علمي غړی څېړنیار محمد اسحاق مومند
د پروژې د پيل او پای نېټه: ۱۹/ ۸/ ۱۳۹۸ - ۱۹/ ۸/ ۱۴۰۲
په دې علمي ـ څېړنیزه پروژه کې به د نورو ګڼو مطالبو ترڅنګ ځيني دا ډول موضوعات څېړل کېږي:
لهجه او د لهجې د پیدا کېدو لاملونه، د پښتو ژبې او لهجو په اړه د بهرنیو او داخلي څېړونکو او پوهانو څرګندونې، د پېښور او د هغې د شاوخوا ځينو لهجو پېژندنه، د پېښور او د هغې د شاوخوا ځينو لهجو د سیمو جوتول، د پېښورۍ لهجې د ګرامري جوړښت څېړنه، د پېښورۍ لهجې د غږیز سیستم څېړنه، د پېښورۍ لهجې او معیاري پښتو د غږیز سیستم پرتلنه، د پېښورۍ او د هغې د شاوخوا نږدې لهجو د مشترکو او جلا خواوو څېړنه.