د شینوارو د هسکې مېنې د ځینو ولسي دودونو څېړنه

Ezatullah_admin
یکشنبه ۱۳۹۹/۱۲/۲۴ - ۹:۵۴
د شینوارو د هسکې مېنې د ځینو ولسي دودونو څېړنه

«علمي- څېړنیز کنفرانس»

کابل: د افغانستان د علومو اکاډمي د ژبو او ادبیاتو مرکز د پښتو ژبې او ادبیاتو انستیتوت علمي غړې څېړندویې خاطرې شینوارې د کب په ۲۳مه د شنبې په ورځ «د هسکې مېنې د شینوارو د ځینو ولسي دودونو څېړنه» تر سرليک لاندې خپل علمي- څېړنیز کنفرانس وړاندې کړ.

نوموړې د هسکې مېنې پر پخوانيو، له منځه تلليو او ناوړه ولسي دودونو او د شينوارو په ولسي دودونو کې د نوې ټکنالوژې پر اغېزو بحث وکړ.

هغې وويل، د هسکې مېنې د شینوارو پخوانې ولسي دودونه تر ډېره تر نن ورځې پورې په لږ او ډېر توپیرونو سره په دغه سیمه کې په خپل حال پاتې دي او ځینې ولسي دودونه د سیاسي او اقتصادي لاملونو له مخې له منځه تللي او د نوې ټکنالوژۍ پرمختګونو د دې تر څنګ چې د هسکې مېنې شینوارو ته د ژوند په ډېرو برخو کې نه یواځې اسانتیاووې برابرې کړي، دوی ته یې ډېرې اقتصادي ګټې هم رسولې دي، خو په ځینو مواردو کې دغو ټکنالوژیکي پرمختګونو د ولسي خلکو تر منځ حساسیتونه هم را پارولي دي. نوموړې په دغه برخه بیا ځینې بېلګې هم وړاندې کړې.