استاد رفیع وستایل شو
د ملي شورا د مشرانو جرگې د شکايتونو د اورېدو کمیسیون د افغانستان د علومو اکاډمي سلاکار استاد حبیب الله رفیع د هېواد د ادبياتو او تاريخ په برخه کې د هغه د ګټورو علمي او اکاډميکو فعاليتونو د قدردانۍ په خاطر، ستایلی او تقدیرنامه يې ورکړې ده.
ښاغلي استاد رفيع ته په راتلونکي کې د الله تعالی له لوی درباره د لا زياتو برياليتوبونو هيله کوو.
د افغانستان د علومو اکاډمي د مشرانو جرګې د دغه کار چې د يوه حقدار استاد ستاينه يې کړې ده، مننه کوي او کورودانی ورته وايي.
