د افغانستان د علومو اکاډمي او انټر کانټيننټال امارتي شرکت ترمنځ هوکړه لیک لاسلیک شو
د افغانستان د علومو اکاډمي او انټر کانټیننټال امارتي شرکت د ګډې همکارۍ او همغږۍ په موخه هوکړه لیک لاسلیک کړ.
یاد هوکړه لیک د افغانستان د علومو اکاډمي د فرهنګي اړیکو رئیس ښاغلي محب الله عصمت او د انټر کانټیننټال امارتي شرکت استازي سمیع الله فقیري لخوا لاسلیک شو.
په یاده ناسته کې د علومو اکاډمي بېلابېلو رئیسانو او نورو غړو په انټر کانټیننټل هوټل کې د علومو اکاډمي اړوندو سیمینارونو، کنفرانسونو او لویو غونډو د ترسره کېدو په اړه خبرې وکړې، چې د یاد هوټل د استازي لخوا ورته د ښه خدماتو وړاندې کولو اطمینان ورکړل شو.
