د بيرغ ملي ورځ ونمانځل شوه

Ezatullah_admin
چهارشنبه ۱۳۹۹/۵/۸ - ۱۰:۵
د بيرغ ملي ورځ ونمانځل شوه

کابل: د افغانستان د علومو اکاډمي د رهبرۍ له خوا د زمري ۷مه د ګران هېواد افغانستان د بيرغ د ملي ورځې په توګه ونمانځله.

په دې اړه د علومو اکاډمۍ په انګړ کې په ترسره شويو مراسمو کې د افغانستان د علومو اکاډمي سرپرست رئيس څېړنوال دوکتور عبدالظاهر شکيب، د اکاډمۍ معاونينو او رئيسانو برخه اخيستې وه.

د علومو اکاډمي رئيس دوکتور شکيب د زمري اوومه چې د بيرغ د ملي ورځې په نامه نومول شوې، د مبارکۍ ويلو ترڅنګ دا يو ستر ملي اقدام وباله.

ده زياته کړه، دا ورځ موږ بايد په ځانګړو ولولو او احساساتو ونمانځو، ځکه د افغانستان درې رنګه ښکلی بیرغ زموږ د ملي هويت، تاريخ او وياړليو حماسو سمبول دی. د خپل بيرغ ساتنه او پالنه زموږ ملي وجيبه ده.

د يادولو ده چې په افغانستان کې بيرغ له ډېر پخوا څخه پېژندل شوی، دود شوی او پر کېږديو او ماڼيو رپول شوی دی چې تاريخچه يې ډېره لرغونې ده.

بيرغ له افسانوي او اساطيري دورې نه په آريانا کې رامنځ ته شوی، بدلونونه يې موندلي او زموږ د هېواد د ازادۍ او خپلواکۍ په شمال رپېدلی او خوځېدلی دی.

زموږ د ګران او تاريخي هېواد افغانستان اوسنی درې رنګه بیرغ زموږ د ملي هويت، تاريخ او سرلوړۍ نښه او سمبول دی.

زموږ ملي بيرغ دې تل رپانده وي!

تازه خبرونه

سه‌شنبه ۱۴۰۳/۱۲/۲۹ - ۱۲:۵۷
Background image

ایا نظامي کېدل د اسیا په سترو نظامي قدرتونو کې د حکومت د ثبات لامل کېږي؟ د نړۍ د حکومتولۍ شاخص رول

«علمي – څېړنیز کنفرانس» د افغانستان د علومو اکاډمي د بشري علومو معاونیت د سیمه ییزو مطالعاتو مرکز څېړونکي، ښاغلي څېړندوی عمران زکریا، څېړنوال علمي رتبې ته د ترفیع په موخه (ایا نظامي. . .

شنبه ۱۴۰۲/۱۲/۱۹ - ۱۵:۵۴
Background image

د ګارټن د ريفولوشن تيوري او د مصر په ۲۰۱۱ز. کال پاڅونونو کې يې تطبيقي مطالعه

"علمي ـ څېړنیز کنفرانس" د افغانستان د علومو اکاډمۍ د سیمه ییزو مطالعاتو مرکز څېړونکي ښاغلي څېړندوی عبدالصبور مبارز ( د ګارټن د ريفولوشن تيوري او د مصر په ۲۰۱۱ز. کال پاڅونونو کې يې. . .

چهارشنبه ۱۴۰۲/۱۲/۱۶ - ۱۵:۱۹
Background image

په افغانستان کې د تولیدي او توریدي سمنټو په اړه څېړنه

د افغانستان د علومو اکاډمي، د طبیعي – تخنیکي علومو معاونیت، د کیمیا، بیولوژي او کرنې علومو مرکز، د کیمیا انستیتوت علمي غړي، د روان ۱۴۰۲ هـ.ل کال د کب پر ۱۵مه نېټه، ښاغلي نوماند څېړنیار. . .

BACK TO NEWS