د تسلیت او خواخوږۍ پیغام

Ezatullah_admin
سه‌شنبه ۱۴۰۰/۴/۱ - ۱۰:۳۵
د تسلیت او خواخوږۍ پیغام

په ډېرې خواشینۍ سره مو خبر ترلاسه کړ چې د پښتونخوا ملي عوامي ګوند پخواني سناتور او وتلي پښتون سیاستوال عثمان کاکړ د سختو ټپونو له امله نن (دوشنبه) د حق داعي ته لبیک ووايه.

«انا لله وانا اليه راجعون»

کاکړ له هغو مبارزينو څخه و چې د پښتون ولس له دردونو خبر و او په همدې خاطر يې تل د حق چيغه پورته کړې او د لر او بر افغان وطن د پښتنو د حقه حقونو د مطرح کولو او غوښتلو لپاره يې په مېړانه مبارزه کوله.

دی په رښتينې معنا يو مبارز سیاستوال او د لر او بر ټولو پښتنو صادق خواخوږی و.

د پښتون ولس د حق او ازادۍ غوښتنې د دغه رسا غږ په چوپ کېدو سره، د زړه له کومې ودردېدو او نه شتون به يې په سیاسي او ټولنيزو برخو کې تر ډېره محسوس وي.

د افغانستان د علومو اکاډمي رهبري د نوموړي له کورنۍ او خواخوږو سره په دې لوی غم او درد کې ځان شريک بولي او تسليت ورته وايي.

الله تعالی دې عثمان کاکړ وبخښي، جنتونه دې ځای شي؛ کورنۍ، همفکرانو او په ټوله کې پښتون ولس ته جميل صبر او زغم غواړو.

الحکم لله

تازه خبرونه

پنجشنبه ۱۴۰۱/۷/۷ - ۱۲:۳۱
Background image

(پر پښتو ژبه او ادب د معلوماتي ټکنالوژۍ اغېزې) اثر چاپ شو

دا علمي څېړنیز اثر څېړندوی مطیع الله ساحل په (۱۴۰) مخونو کې لیکلی چې د علومو اکاډمي د اطلاعاتو او عامه اړیکو د ریاست له لوري په ۱۴۰۱ لمریز کال کې چاپ شو. یاد اثر پر سریزې سربېره څلور. . .

پنجشنبه ۱۴۰۱/۷/۷ - ۱۱:۲۵
Background image

د الوګانو د حاصلاتو په کچه باندې د یوریا او دای امونیم فاسفیت سرو د بېلابېلو اندازو اغېز

د کتاب نوم : د الوګانو د حاصلاتو په کچه باندې د یوریا او دای امونیم فاسفیت سرو د بېلابېلو اندازو اغېز لیکوال: څېړندوی خلیل الرحمن بارکزی د مخونو شمېر:  ۱۱۲ د چاپ کال: ۱۳۹۸هـ. د کرنې. . .

چهارشنبه ۱۴۰۱/۷/۶ - ۹:۵۰
Background image

د علومو اکاډمۍ د علمي شورا غونډه

د افغانستان د علومو اکاډمۍ علمي شورا خپله نوبتي غونډه د ۱۴۰۱ ل کال د تلې میاشتې پر ۵ مه نېټه ترسره کړه. په دې غونډه کې د علومو اکاډمۍ د بېلابېلو علمي برخو د علمي کادر د غړو علمي –. . .

BACK TO NEWS