د علمي لیکنو او مقالو لپاره بلنلیک!

Ezatullah_admin
د علمي لیکنو او مقالو لپاره بلنلیک

د ټولو قدر وړ متخصصینو، کارپوهانو، استاداتو او محققینو د پام وړ؛

د افغانستان اسلامي جمهوريت په پام کې لري چې د کمال خان بند پرانیستې مراسم د اوبو سرچینو د ښه مدیریت (اوبه زموږ آبرو دی او ساتنه یې زموږ ملي وجیبه ده) تر عنوان لاندې، په شاندارو مراسمو سره ونمانځي.

د همدي موخې لپاره د چارو ادارې له لوري د ترتیب شوي عمل پلان له مخې، د لمانځنې چارې په دریو محورونو: علمي او تحقیقاتي، فرهنګي او رسنیزې، را څرخي او د کمال خان بند پرانیستې یوه میاشت دمخه به دا مراسم د حوت لومړۍ نېټې څخه پیلیږي.

په علمي او تحقیقاتي برخه کې د کمال خان بند د پرانیستې د مراسمو په خاطر د اوبو چارو تنظیم ملي اداره، د لوړو زده کړو وزارت او د علومو اکاډمي چې د هېواد اوبو سکتور په علمي برخه کې اساسي رکنونه دي، د کمال خان بند اقتصادي، اجتماعي، فرهنګي، چاپیریالي او ... اغیزو په اړه د علمي لیکنو او مقالاتو راټولول او د یو کتاب په بڼه یې نشرول په غاړه لري.

له همدې کبله د ټولو متخصصینو، محققینو، کارپوهانو، استادانو، د دولتي او غیر دولتي اړوند اداراتو په شمول، اکادمیک نهادونو، پوهنتونونو، په بهر کې مېشت افغان محصلینو څخه په خورا درنښت هېله کیږي، چي په سیمه کې د کمال خان بند اقتصادي، اجتماعي، چاپیریالي، زراعتي، ایکوسیستم او بیلا بیلو برخو کې اغیز تر عنوان لاندې پخوانۍ لیکل شوې مقالې او یا هم اوس تر لاس لاندې د روان کال حوت میاشتې تر ۲۰ نېټې پورې د لاندې برېښنالیکونو پر مټ موږ ته وسپاري.

(Research.kamalkhan@gmail.com)

(nwara.waterresearch@nwara.gov.af)

ستاسو مقالې به د ارزونې وروسته د کتاب په بڼه چاپ شي.

د یادونې وړ ده چې ښو مقاله لیکونکي به د اوبو چارو تنظیم ملي ادارې له لوري تقدیر شي.

یادښت: د علمي لیکنو او مقالو په راټولولو او د کتاب په بڼه چاپولو کې له دي ادارې سره د لوړو زده کړو وزارت د اوبو منابعو او چاپیریال ساتنې ملي تحقیقاتي مرکز او د افغانستان د علومو اکاډمي هم همکاره دی.

مقاله باید لاندې فارمټ ولري:

۱- عنوان

۲- خلاصه یا چکیده

۳- کلیدي کلیمات

۴- د موضوع معرفي

۵- د موضوع اهمیت او تفصیل

۶- نتیجه ګیري

۷- وړاندیزونه

۸- سرچينې او ماخذونه

مقاله باید د لاندې ځانګړنو درلودونکې وي.

۱. مقاله باید د ۳ او ۷ مخونو ترمنځ وي؛

۲. د متن سایز ۱۲ وي؛

۳. د دري متن فونټ B Nazanin او د پښتو متن Bahij Zar په نظر کې ونیول شي؛

۴. د عنوانونو سایز ۱۴ او د بولډ په شکل واوسي؛

۵. ارجاعات او ریفرنسونه باید په علمي ډول تحریر شي؛

۶. مقاله باید د مقدمې، محتوا او پایله ولري؛

۷. مقاله باید د هېواد په رسمي ژبو پښتو او دري ولیکل شي.

یادونه: د اړتیا پر مهال کولی شۍ په لاندې شميرو اړیکه ونیسئ.

+93774405995

+93744830220

د کمال خان بند د پرانستې د مراسمو ګډ کمیسیون د عملي تحقیقاتو کمېټه

د لوړو زده کړو وزارت

د اوبو چارو تنظیم ملي اداره

د افغانستان د علومو اکاډمي

Latest announcements

پنجشنبه ۱۴۰۰/۴/۳ - ۱۱:۶
Background image

د علمي لیکنو او مقالو لیکلو بلنه

د ښاغلو استادانو، څېړونکو او کارپوهانو د پام وړ! د علــومو اکاډمي د طبیعي- تخنیکي علومو معاونیت د ریاضي، فزیک او تخنیکی علومو مرکز په پام کې لري چې د «ښاري کثافاتو ارزونه او د هغې . . .

چهارشنبه ۱۴۰۰/۳/۱۹ - ۱۴:۱۲
Background image

(د امام بخاري او امام ترمذي علمي او معنوي مقام) د نړیوال سیمینار د مقالو غوښتنه

د افغانستان د اسلامي جمهوري دولت د ریاست د مقام د ۶/۱۱/۱۳۹۹ نېټه ۳۰۱۵ ګڼې حکم صادر شوی چې داسې تصریح لري (توظیف هیئت یاد بود از چهره های علمی فرهنگی و احیای آبده های تاریخی کشور) چې د . . .

سه‌شنبه ۱۴۰۰/۲/۲۸ - ۱۰:۵
Background image

د سيد هاشم هاشمي (پاچا) د ۱۴ چاپ شوو کتابونو مخکتنه

وخت: سه شنبه، د سهار ۹:۳۰ بجې، د ۱۴۰۰ کال د غويي ۲۸مه. ځای: د علومو اکاډمي د سيمينارونو تالار.

Back to announcements