د 1990ز څخه تر 2024 ز کلونو ترمنځ، د GIS او Remote Sensing په مرسته د کونړ ولایت د ځنګلونو څېړنه
د افغانستان د علومو اکاډمي د طبیعي – تخنیکي علومو معاونیت د ځمکپوهنې مرکز علمي غړي څېړندوی حامد امان د روان کال د تلې /میزان میاشتې پر ۱۶مه نېټه باندې ( د 1990ز څخه تر 2024 ز کلونو ترمنځ، د GIS او Remote Sensing په مرسته د کونړ ولایت د ځنګلونو څېړنه) تر عنوان لاندې خپل څېړنیز کنفرانس وړاندې کړ.
ښاغلي امان وویل: "د ځنګلونو په څېړلو کې د GIS رول څېړونکو او د ځنګل مدیرانو ته اجازه ورکوي چې جغرافیایي معلومات راټول کړي، ذخیره یې کړي، تحلیل او په نقشه او ګرافونو کې یې ښکاره کړي. د ځنګلونو په څېړنه کې GIS رغنده رول لري او په ښه مدیریت کې ترې ګټه اخیستل کېږي او همدارنګه د GIS او ریموټ سنسنګ د ځنګلونو په مدیریت کې د ځواکمنې وسیلې په توګه کارول کېږي. دا ټکنالوژي نه یوازې د موجوده ستونزو په پېژندلو او تحلیل کې مرسته کوي، بلکې د ځنګلونو په ساتنې او بیا رغولو کې مؤثرې حل لارې هم چمتو کوي".
څرنګه چې د GIS او Remote Sensing څخه په ګټه اخیستنې د کونړ ولایت په ځنګلونو څېړنه تر سره کړه په روښانه توګه معلومه شوه چې په وروستې لسیزو کې د یاد ولایت په ځنګلونو کې د طبیعي او بشري لاملونه له امله کموالی راغلی دی".
د موضوع تر وړاندي کولو وروسته د ګډونوالو پوښتنو ته ځوابونه وویل شول او د ارزونې د کمیسیون له لوري د رأیو په اتفاق تائید شو.
