په کوشاني دوره کې د هندي او یوناني ادیانو څېړنه

Ezatullah_admin
پنجشنبه ۱۴۰۱/۱/۱۱ - ۱۰:۲
بررسی جایگاه ادیان هندی و یونانی در دوره کوشانی

د څېړنوال علی احمد جعفری تر کار لاندې څېړنیزې پروژې لنډه پېژندنه

۱- د پروژې سرلیک

په کوشاني دوره کې د هندي او یوناني ادیانو څېړنه

د څپرکو شمېر: ۵

۲- د اجرا موده: شپږ کاله (۱۳۹۹/۶/۱۶  تر  ۱۶ / ۶ / ۱۴۰۵ )

۳- د څېړنې موخه

تر اوس مهاله د دې موضوع په اړوند هېڅ کومه ورته څېړنه نه تر سره شوې او دا موضوع په خپل ذات کې نوې څېړنه ګڼل کېدای شي.

۴- د موضوع مبرمیت

د کوشاني سترواکۍ پر مهال ډېرې ټینګې فرهنګي او عقیدتي اړیکې موجودې وې نو ځکه د کوشانیانو او د دې خاورې د پخوانیو خلکو په عقیدو کې، یوناني ارباب الانواع او هندي ادیانو خورا ژور ځای نیولی وو او دغو عقیدو د سیاسي، فرهنګي او ټولنیزو تحولاتو سره سره آن تر ۷-۸ پېړیو پورې دوام درلودلی دی.

که چېرې د کوشاني دورې هنر او فرهنګ په فلسفي لحاظ مطالعه شي او تر څېړنې لاندې ونیول شي نو څرګنده به شي چې د کوشاني دورې د فرهنګي چاپېریال اصلي بنسټ هندویزم او بودیزم عقاید او یوناني ارباب الانواع دي چې په هر اړخیزه مطالعه او څېړنه یې کولای شو د لرغونې آریانا فرهنګي اصالت ثابت کړو.

نو د دې موضوع اړه علمې څېړنه په تاریخي او فرهنګي لحاظ یوه ډېره مهمه اړتیا ده.

۵- د څېړنې پوښنتې

- یوناني ارباب الانواع او د بودایي آیین بېلابېلو فرقو په کوشاني دوره کې څه رول درلودلی دی؟

-  یوناني او هندي هنري اثارو د کوشاني دورې په عبادت ځایونو کې څه ډول څرګند شوي دي؟

- په کوشاني دوره کې کوم دین بنسټیز رول لوبولی دی؟

- یوناني او هندي پدیدو د کوشاني دورې په فرهنګ څه اغېز درلود؟

۶- د څېړنې پایلې

د دې څېړنې په تر سره کولو، د هندې او یوناني ادیانو او کوشاني دورې د مذهبي او فرهنګي اړیکو څرنګوالي په اړه به ډېر مهم تاریخي او علمي معلومات تر لاسه شي.

۷- د پروژې د کار شوې برخې سلنه

دا علمي- څېړنېزه پروژه ٪۱۱ کار شوې او همدا راز څېړنه دوام لري.

 

 

تازه خبرونه

سه‌شنبه ۱۴۰۲/۷/۴ - ۱۰:۳۴
Background image

د زېري جریدې د ۵ – ۶ مې ګڼې د چاپ او خپراوي زېری

د افغانستان د علومو اکاډمي تر اکاډمیک چتر لاندې د زېري جریدې اداره ویاړي چې له ۸۵ کلن مزل را په دېخوا تر اوسه د پښتو ژبې او ادب په برخه کې نشرات لري. دې جریدې له پيل څخه را نیولې تر. . .

دوشنبه ۱۴۰۲/۷/۳ - ۹:۳۳
Background image

"د کابل حوزې د هایدروګرافیکي ځانګړتیاوو څېړنه " اثر چاپ شو

دافغانستان د علومو اکاډمۍ د طبیعي – تخنیکي علومو معاونیت د ځمکپوهنۍ مرکز علمی غړی ښاغلي څېړنوال عبدالرحمن لطیف عـلمي-¬ څېړنیزه رساله چې (د کابل حوزې د هایدروګرافیکي ځانګړتیاوو څېړنه). . .

چهارشنبه ۱۴۰۲/۶/۲۹ - ۱۰:۴۲
Background image

په پښتني ټولنه کې د خورلڼې پر وړاندې ځينو دودونو ته کتنه

“علمي ـ څېړنیز کنفرانس” د افغانستان د علومو اکاډمي د ژبو او ادبیاتو مرکز غړي څېړنوال شهزاده توحیدمل (په پښتنې ټولنه کې د خورلڼې پر وړاندې ځينو دودونو ته کتنه) تر عنوان لاندې علمي ـ. . .

BACK TO NEWS