کیسۍ پېژندنه کتاب چاپ شو!
پېژندنه (د هغو ټولنیز او ښوونیز ارزښت) څېړنیز اثر چې لیکواله یې د پښتو ژبې او ادبیاتو د انستیتیوت تکړه غړې اغلې بي بي شفیقه نوري ده د افغانستان د علومو اکاډمي د اطلاعاتو او عامه اړیکو ریاست له خوا چاپ او د پښتو ژبې او ادب بډاینې ته وړاندې شو.
لکه څرنګه چې د پښتو ولسي ادب نور فورمونه او ژانرونه ژبني، ادبي، ټولنیز او ښوونیز ارزښتونه لري، کیسۍ هم د پښتو ولسي ادب په فورمونو کې خاص ځای او ارزښتمن صنف ګڼل کېږي.
د ادبیاتو، په ځانګړې توګه د ولسي ادب یوه ځانګړنه دا ده چې د عام ولس له خوا ایجادېږي او د هغوی په عام فهمه ژبه د هغوی د ژوندانه ګڼ اړخونه منعکسوي.
همدا څېړنیز اثر چې د پښتو ژبې او ادب مینه وال به یې ترلاسه او مطالعه کړي، د پښتو کیسیو په اړه په زړه پورې اثر ګڼل کېږي چې د کیسیو ټولنیز او ښوونیز ارزښتونه پکې تحلیل او څېړل شوي دي.
د دې علمي – څېړنيز اثر د منځپانګې لومړي مخونه په لاندې لينک کې لوستلی او تر لاسه کولی شئ...
يادونه: دا کتاب د علومو اکاډمي له اطلاعاتو او عامه اړيکو رياست څخه په مناسبه بيه تر لاسه کولای شئ.
د اړيکې شمېره: ۰۲۰۲۲۰۱۲۷۹
