په افغانستان کې د بیدیاوو دجغرافیایي پراختیا څرنګوالی

د علمي – څېړنیزو پروژو د پېژندنې لړۍ:

لیکونکی: څېړنوال عبدالرحمن لطیف

د اجرا موده : 13/ 12 / 1398 الی 13 / 12 / 1404

د علمي څېړنېزې پروژې هدف او مبرمیت: داقلمي د اقلیمي بدلونو نو په لړ کې د طبیعي پېښو رامنځته کېدل او د طبیعي چاپېریال تخریب او ویجاړېدل د اندېښنې وړ هغه موضوعات دي چې د ژوندیو موجوداتو ژوند له ګواښونو سره مخامخ کوي. بې له شکه چې د بیدیاوو پراختیا نن ورځ د نړۍ یوه له جدي او خطرناکو طبیعي معضلو څخه ګڼله کېږي چې د پراختیا په حال کې دي او طبیعي ایکوسیستم ګواښي، حال دا چې زموږ هېواد په وچه کې را ګیر دی، صحرایي او نیمه صحرایي اقلیم لري او رطوبتي سرچینې یې لږ دي، نو ځکه  په بیدیاوو کې د ګټورو خاورو ایروژن زیاتېږي او کرنیز فعالیتونه محدود کوي، نو په داسې یو وضعیت کې د هېواد د بیدیاوو د پراختیا په اړه څېړنه طبیعي، ټولنیز او اقتصادي ارزښت لري او ضروري ده چې موږ خپلې بیدیایي سیمې د تل لپاره تر څارنې او کنترول لاندې و لرو او د هغو له پراختیا څخه مخنیوی وکړو چې د همدې موخې لپاره یاده څېړنه د هېواد د بیدیاوو په اړه تر سره کېږي چې هدف یې د بیدیاوو د اوسني وضعیت څرنګوالی، ناوړه اغېزې او د مخنیوي پر لارو چارو بحث او څېړنه ده.