د «فرهنګي- ادبي پېښليک» دوهم ټوک هم چاپ شو
![«فرهنګي- ادبي پېښليک» دوهم ټوک](/sites/default/files/2022-10/frhnky-_adby_pslyk.jpg)
فرهنګي- ادبي پېښليک (دوهم ټوک) د علومو اکاډمي د ژبو او ادبیاتو مرکز د علمي غړي څېړنوال محمد اصف احمدزي ليکنه، تأليف او تدوين کړی اثر دی چې د علومو اکاډمي د اطلاعاتو او عامه اړيکو رياست له خوا په وزيري سايز ۵۱۴ مخونو کې چاپ شو.
په دې اثر کې د وروستيو درېيو (۱۳۹۸، ۱۳۹۹ او ۱۴۰۰ لمريز) کلونو فرهنګي او ادبي پېښې په کرونولوژيک ډول بیان شوې دي. د علمي- څېړنيزو سيمينارونو او کنفرانسونو، ادبي محفلونو، مشاعرو، نمانځغونډو او يادغونډو، د فرهنګي- ادبي اشخاصو د مړينو کره نېټو، د نويو چاپ شوو آثارو او هم د آثارو د مخکتنو غونډو، د بېلا بېلو ادبي بهيرونو او ټولنو فعاليتونو او هم د څو تلويزيوني او راډيويي فرهنګي او ادبي پروګرامونو پېژندنې او معرفۍ په کې انعکاس موندلی دی.
دغه اثر د پښتو ادب تاریخ د لیکلو لپاره مرستندوی اثر دی او هم که څوک د همدې مودې فرهنګي- ادبي جاج اخیستل غواړي، نو ياد شوی اثر ورسره ډېره مرسته کولی شي.
د دې علمي – څېړنيز اثر د منځپانګې لومړي مخونه په لاندې لينک کې لوستلی او تر لاسه کولی شئ...
يادونه: دا کتاب د علومو اکاډمي له اطلاعاتو او عامه اړيکو رياست څخه په مناسبه بيه تر لاسه کولای شئ.