«په معاصرو اسلامي علومو کې د امام برهان الدین مرغیناني (رحمه الله) د علمي میراث ونډه او مقام» د علمي – څېړنیز کنفرانس د مقالو غوښتنو نېټه تمدید شوه
د افغانستان د علومو اکاډمي په پام کې لري چې د روان لمریز کال په میزان کې د ازبکستان د علومو اکاډمي سره په ګډه د علامه برهان الدین المرغیناني (رح) د فورم تر چتر لاندې (په معاصرو اسلامي علومو کې د امام برهان الدین مرغیناني (رحمه الله) د علمي میراث ونډه او مقام) تر سرلیک لاندې نړېوال علمي ـ څېړنیز کنفرانس په کابل کې دایر کړي.
دا چې موضوع د هیواد علمي ټولنې، علماوو او فرهنګي بنسټونو لپاره خورا علمي او معنوي ارزښت لري، نو په همدې اساس علومو اکاډمي دا غوره ګڼلې ده چې دغه علمي ـ څېړنیز نړېوال کنفرانس لپاره د هیواد په کچه علماء، پوهان او څېړونکي خپلې ارزښتناکې مقالې ولیکي.
د مقالو د رالیږلو نېټه د ۱۴۰۵ کال د سنبلې د میاشتې تر ۲۰ مې پورې تمدید شوې ده، هیله ده چې درانه څېړونکي او علماء کرام به د ټاکلو محورونو مطابق خپلې ارزښتناکې علمي ـ څېړنیزې مقالې تر یادې نیټې پورې د افغانستان علومو اکاډمي ته راواستوي.
همدارنګه قدرمن لیکوالان کولای شي چې مقاله لیکلو شرائط او محورونه او د نورو معلوماتو او د مقالو د سپارلو په اړه لاندې لېنک ته مراجعه وکړي.
