د پاپ کورن جوارو د ځینو هایبرېډونو او لاینونو ترمنځ د بېلابېلو پارامترونو، د دانې ټکنالوژیکي کیفیت او حاصلاتو مطالعه
لیکوال: څېړنیار محمد منیر نظیري
لنډیز: دا څېړنه د 2018 او 2019 زېږدیزو کلونو په اوږدو کې د روسیې د کرسنادار ښار د کرنې په علمي - څېړنېز انسټیټوټ (ФГБНУ Национальный центр зерна имени П .П Лукьяненко) کې تر سره شوه. په څېړنه کې د پاپ کورن جوارو (د پلۍ جوار) د ځینو لاینونه او هایبرېډونو مورفو - بیولوژيکي ځانګړنې، لکه له تېغ وهلو څخه تر په ټانټو کې د وږو د رازرغونېدو پورې د ورځو شمېر، د بوټو لوړوالی، د ځمکې له سطحې څخه په ټانټو کې د وږو د رازرغونېدو لوړوالی، د وږي اوږودوالی، د وږي پېړوالی، د جوارو د وږي د تاج پېړوالی، په وږي کې د جوارو د دانو شمېر، په وږي کې د جوارو د قطارونو شمېر او د جوارو د 1000 دانو وزن تر مطالعې لاندې نیول شوي، له څېړنې څخه لاس ته راغلې پایلې په جلا جلا جدولونو کې ځای پر ځای شوي دي.