د افغانستان د علومو اکاډمي د ارشاد او دعوت ریاست په مشرۍ د کنفرانسونو په تالار کې د اصلاحي بیان غونډه ترسره شوه!
د افغانستان د علومو اکاډمۍ د علامه احمد علي کهزاد د سیمینارونو او کنفرانسونو په تالار کې د دعوت او ارشاد ریاست په مشرۍ لویه اصلاحي غونډه ترسره شوه، یاده غونډه د محترم قاري صاحب رحمت الله مخلص لخوا د قرآن کریم په څو مبارکو آیتونو پیل شوه. د غونډې په پیل کې د علومو اکاډمي د اسلامي علومو علمي غړي څېړندوی محمد کریم ادیب د تعصب د بدو پایلو په اړه هر اړخیزه وینا وکړه، ورپسې د علومو اکاډمي د عامه اړیکو آمر مفتي محمد صادق حنیف د مسلمانانو د وحدت او یووالي په اړه ارزښتناکه وینا وکړه. د غونډې په پای کې د ارشاد او دعوت رئیس مفتي محمد اکبر مقسط څو ارزښتناکې لنډې خبرې وکړې.
یاده غونډه د علومو اکاډمۍ امام او مدرس مولوي عزیز احمد حمزه په دعائیې سره پای ته ورسېده.
