د علومو اکاډمي يو شمېر علمي غړي وستايل شول

Ezatullah_admin
دوشنبه ۱۴۰۰/۳/۱۷ - ۱۲:۵۷
د علومو اکاډمي يو شمېر علمي غړي وستايل شول

۱۷ جوزا، ۱۴۰۰

کابل: د افغانستان د علومو اکاډمي رهبري، هغو علمي غړو ته چې د کمال خان بند د پرانيستې او هم د دې بند د حياتي ارزښت په نوم سيمينار ترسره کېدو په پار يې د قدر وړ چارې ترسره کړي، د تقديرنامو په ورکولو سره وستايل.

په دې اړه جوړه شوې غونډه کې د افغانستان د علومو اکاډمي عمومي رئیس څېړنپوه دکتور عبدالظاهر شکیب د کمال خان بند په اړه د علومو اکاډمي د استادانو د علمي او څېړنيزو کارونو ستاينه او قدرونه وکړه.

ده زياته کړه، د کمال خان بند په اړه چې د جمهوري رياست له خوا کومې دندې علومو اکاډمي ته سپارل شوې وې، د اکاډمي د رهبرۍ او علمي غړو له خوا په ښه توګه ترسره شوې.

د هغه په وينا، علومو اکاډمي وتوانېده چې د کمال خان بند د پرانيستې په مناسبت په ډېر کم وخت کې د افغانستان د اوبو په اړه دوه مهم کتابونه (سرگذشت سیستان و رود هیرمند) او (مسأله آب هلمند و مناقشات ناشی از آن با ایران) چاپ او خپاره کړي.

ورپسې د علومو اکاډمي د رئيس څېړنپوه دکتور عبدالظاهر شکيب، د طبيعي- تخنيکي علومو د برخې مرستيال څېړنپوه رحمت ګل احمدي او د اکاډمي د اداري او مالي مرستيال څېړندوی محمد حامد مصلح له خوا علمي غړو ته تقديرنامې ورکړل شوې.

د غونډې په پای کې د اکاډمي د علمي او څېړنيزو چارو د لا ښه والي په خاطر څو تنو استادانو خپل نظريات او وړانديزونه شريک کړل.

د یادولو ده چې د افغانستان د علومو اکاډمي د طبيعي- تخنيکي علومو د معاونيت له خوا د کمال خان بند د پرانيستې په مناسبت «د کمال خان بند د حياتي ارزښت ارزونه» په نوم علمي- څېړنيز سيمينار د ۱۳۹۹هـ. ش کال د کب مياشتې په ۲۵مه نېټه ترسره کړی و.

#کمال_خان

#مدیریت_آب

#داوبومدیریت

تازه خبرونه

پنجشنبه ۱۴۰۱/۷/۷ - ۱۲:۳۱
Background image

(پر پښتو ژبه او ادب د معلوماتي ټکنالوژۍ اغېزې) اثر چاپ شو

دا علمي څېړنیز اثر څېړندوی مطیع الله ساحل په (۱۴۰) مخونو کې لیکلی چې د علومو اکاډمي د اطلاعاتو او عامه اړیکو د ریاست له لوري په ۱۴۰۱ لمریز کال کې چاپ شو. یاد اثر پر سریزې سربېره څلور. . .

پنجشنبه ۱۴۰۱/۷/۷ - ۱۱:۲۵
Background image

د الوګانو د حاصلاتو په کچه باندې د یوریا او دای امونیم فاسفیت سرو د بېلابېلو اندازو اغېز

د کتاب نوم : د الوګانو د حاصلاتو په کچه باندې د یوریا او دای امونیم فاسفیت سرو د بېلابېلو اندازو اغېز لیکوال: څېړندوی خلیل الرحمن بارکزی د مخونو شمېر:  ۱۱۲ د چاپ کال: ۱۳۹۸هـ. د کرنې. . .

چهارشنبه ۱۴۰۱/۷/۶ - ۹:۵۰
Background image

د علومو اکاډمۍ د علمي شورا غونډه

د افغانستان د علومو اکاډمۍ علمي شورا خپله نوبتي غونډه د ۱۴۰۱ ل کال د تلې میاشتې پر ۵ مه نېټه ترسره کړه. په دې غونډه کې د علومو اکاډمۍ د بېلابېلو علمي برخو د علمي کادر د غړو علمي –. . .

BACK TO NEWS