د دویم خلیفه په حکومتولۍ کې د روڼتیا څرګندونه
![نوماند څېړنیار کمال نوري](/sites/default/files/2023-08/%D9%86%D9%88%D9%85%D8%A7%D9%86%D8%AF%20%DA%85%DB%90%DA%93%D9%86%DB%8C%D8%A7%D8%B1%20%DA%A9%D9%85%D8%A7%D9%84%20%D9%86%D9%88%D8%B1%D9%8A.jpeg)
“علمي – څېړنیزې پروژې دفاع”
د افغانستان د علومو اکاډمي د اسلامي علومو معاونیت د عقیدې او ثقافت مرکز غړي نوماند څېړنیار کمال نوري د خپلې نوماندۍ دورې له علمي – څېړنیزې پروژې ( د دویم خلیفه په حکومتولۍ کې د روڼتیا څرګندونه) څخه په بریالیتوب سره دفاع وکړه.
نوموړي د یادې علمي – څېړنیزې پروژې له اډانې څخه د دویم خلیفه حضرت عمر رضي الله عنه په ژوند، د حکومتولۍ په بنسټونو او څرنګوالي رڼا واچوله او د یاد خلیفه د حکومتولۍ په هر اړخیزو حکومتي چارو کې یې د روڼتیا په اړه مفصلې خبرې وکړې او د پروژې په پای کې یې د دویم خلیفه د حکومتولۍ د اصولو په تطبیق او الګو ګرځولو بحث وکړ.
د پروژې په وروستۍ برخه کې یې خپل وړاندیزونه وړاندې او د څېړونکو او استاذانو پوښتنو ته یې مقنع ځوابونه ورکړل.
په پای کې د ارزونې د کمیسیون له لوري یاده دفاعیه د رأیو په اتفاق تائید او مثبته وارزول شوه.