«په افغانستان کې پایښت لرونکی پرمختګ؛ ستونزې او فرصتونه» تر سرلیک لاندې د عملي-څېړنیز سیمینار د مقالو ټولګه چاپ شوه
په دې علمي اثر کې د افغانستان د پرمختیايي بهیر مهم اړخونه په ژوره علمي-څېړنیزه توګه ارزول شوي دي. د څېړنیزو مقالو په دې ټوګه کې په افغانستان کې د پایښت لرونکي پرمختګ پر وړاندې شته ستونزې څېړلي، عملي حل لارې وړاندې کړي او له موجوده فرصتونو څخه د اغېزمنې ګټې اخیستنې لارې چارې روښانه کړي دي.
دغه اثر ۹ بېلابېلې مقالې لري چې په مهمو موضوعاتو لکه ښه حکومتولي، سیاسي او اقتصادي پرمختګ، اسلامي بانکولي، کرنه، ګرځندوی او د پایښت لرونکي پرمختګ په برخه کې نوې کېدونکې انرژۍ تمرکز کوي.
د دې علمي – څېړنيز اثر د منځپانګې لومړي مخونه په لاندې لينک کې لوستلی او تر لاسه کولی شئ...
يادونه: دا کتاب د علومو اکاډمي د اطلاعاتو او عامه اړيکو رياست اړوند کتاب پلورنځي څخه په مناسبه بيه تر لاسه کولای شئ.
د اړيکې شمېره: ۰۲۰۲۲۰۱۱۷۹
