د خواشینۍ او تسليت پیغام
په ډېرې خواشینۍ سره مو خبر ترلاسه کړ چې د افغانستان د جمهور رئیس د رسنیزو چارو سلاکار، پياوړی ليکوال او ژورناليست نبي مصداق په حق رسېدلی دی.
«انا لله و انا اليه راجعون»
نوموړی د دې ترڅنګ چې د افغانستان د فرهنګ او د ژورناليزم په برخه کې مخکښه څېره وه او په دې برخه کې يې نه ستړې کېدونکې هلې ځلې کړې دي، د نېکو اخلاقو خاوند او حليم انسان و، په مړينه يې ودردېدو او د هېواد لپاره يې لويه ضایعه بولو.
د افغانستان د علومو اکاډمي رهبري او علمي غړي د نوموړي کورنۍ، خواخوږو او دوستانو ته تسليت وايي او په دې لوی غم کې ورسره ځان شريک بولي. الله تعالی دې ارواښاد مصداق وبښي، کورنۍ او خواخوږو ته يې جميل صبر غواړو.
