د علمي ـ څېړنیزو مقالو لیکلو بلنلیک

د افغانستان د علومو اکاډمي په پام کې لري چې د روان کال د تلې د میاشتې په وروستۍ اونۍ کې د ریاضي، فزیک او تخنیکي علومو د مرکز د ټکنالوژۍ او تخنیک انستیتوت له لوري د " هیواد د ترانسپورت وضعیت، ستونزې او د هغو حل لارې " تر سرلیک لاندې علمي ـ څېړنیز سیمینار دایر کړي.

 په دې توګه ټولو لیکوالانو، پوهانو او د هیواد علمي شخصیتونو څخه هیله کیږي چې د دوی د غوښتنو او تخصص سره سم د لاندې سرلیکونو څخه په غوره کولو، د (۱۴۰۲) هجري لمریز کال د وږي د میاشتې تر (۲۰) شلمي نیټې پورې د هیواد په یوه ملي ژبه (پښتو او دري) خپلې مقالې چمتو او د افغانستان د علومو اکاډمي د طبیعي او تخنیکي علومو معاونیت ته راولیږي.

Documents