د «نابغه خوشحال» د نړیوال علمي – څېړنيز سيمينار د مقالو ټولګه چاپ شوه

د مقالو دا ټولګه د څېړنوال رفيع الله نيازي په زيار په ۳۰۳ مخونو کې د افغانستان د علومو اکاډمۍ د اطلاعاتو او عامه اړيکو رياست له لوري چاپ شوه.

دا اثر دوه برخې لري.

لومړۍ برخه: په دې برخه کې د نابغه خوشحال سيمينار په اړه د جلالتمآب جمهور رئيس محمد اشرف غني وينا، د افغانستان د علومو اکاډمۍ د رئيس وينا، د کابل پوهنتون د رئيس او د عبدالولي خان پوهنتون پيغامونه شامل دي.

دويمه برخه: په دې برخه کې د لر او بر د اکاډميکو ادارو او پوهنتونونو د پروفیسرانو علمي- څېړنيزې مقالې راغلي، لکه: د قابوس نامې او دستارنامې د موضوعاتو تقابلي جايزه، د خوشحال بابا په خپل لاس د ليکلي ديوان د نسخې په اړه، د خوشحال بابا د ژوند وروستۍ لسیزه د ځینو پېښو او حالاتو شننه او کره کتنه، د خوشحال په کلام کې ځينې پښتانه، جنګيالي اتلان او مخور مشران، د خوشحال سياسي افکار تحقيقي او تنقيدي جايزه، د دستارنامې روح، د خوشحال خټک په سوات نامه کې د سوات د کلتور جايزه، د لوی انسان د خاپوړو ځمکه، د خوشحال خان غزل او ښځه، د نابغه خوشحال خان خټک د لومړي زنداني کتاب"فراق نامې"، د خوشحال خان خټك سياسي فلسفه او ځينې نورې مقالې هم په کې شاملې دي.

د دې علمي اثر د محتوياتو لومړني مخونه په لاندې لينک کې لوستلی او ترلاسه کولی شئ:

https://asa.gov.af/.../%D9%86%D8%A7%D8%A8%D8%BA%D9%87%20...

د کتاب مينه وال کولای شي دا اثر د افغانستان د علومو اکاډمي د اطلاعاتو او عامه اړيکو له رياست څخه يې په مناسبه بيه واخلي.

د اړيکې شمېره: 0202201279