د افغانستان د علومو اکاډمي عمومي رئیس شیخ مولوي فرید الدین محمود د اسلامي همکاریو سازمان له استازو او د اسلامي هیوادونو د علماء کرامو پلاوي سره ولیدل.
په دغې ناستې کې د علومو اکاډمي د عمومي رئیس تر څنګ د درې ګونو معاونیتونو مرستیالانو، علمي منشي او د مختلفو ریاستونو رئیسانو، د اسلامي همکاریو سازمان د پلاوي مشر دکتور قطب سانو او ترڅنګ یې د اسلامي هيوادونو يو شمېر علماء کرامو هم ګډون کړی و.
یاد پلاوي په دې کتنه کې وویل چې په افغانستان کې د ډاډمن امنیت له امله دوی وکولای شول، چې په ډاډه زړه لیدنې ولري او خپلې چارې ترسره کړي او خوښي یې څرګنده کړه چې افغان حکومت په خپله اډانه کې دیني علماء کرام مسؤلین لري.
هغوی د افغانستان د علومو اکاډمي له مشرتابه سره په تعلیمي او تحقیقي برخو کې د هر ډول همکاریو ژمنه وکړه، او د علومو اکاډمي د رئیس له خوا یې تود هرکلی وشو.
