د افغانستان د علومو اکاډمي لوی رئیس شيخ فرید الدین محمود د لوړو زده کړو له وزیر شيخ ندامحمد نديم سره وکتل
د افغانستان علومو اکاډمي لوی رئیس شيخ مولوي فریدالدین محمود د لوړو زده کړو له وزیر شيخ الحدیث مولوي ندامحمد نديم سره تېره ورځ(د غبرګولي ۱۴مه) وکتل.
په دې کتنه کې چې د علومو اکاډمۍ پلاوي یې ملتيا کوله د لوړو زده کړو وزارت له مشرتابه سره د علومو اکاډمۍ په اډانه کې د ماسترۍ او دوکتورا د برنامو په پیل او د هغو په تخنیکي برخو خبرې وشوې، دواړه لورو د دغو برنامو پر ایجاد او یو له بل د همکارۍ هوکړه وکړه او په نږدې راتلونکي کې به د تخنیکي چارو په بشپړېدو سره برنامې پیل او په دې برخه کې به د هېواد لپاره کادرونه وروزي.
