د رحمان بابا پر شاعرۍ د قران او حدیث اثرات اثر چاپ شو

Ezatullah_admin
یکشنبه ۱۴۰۱/۱۰/۴ - ۱۳:۵۲
رحمان بابا پر شاعرۍ د قران او حدیث اثرات

دا اثر د پښتو ژبې د پياوړي ليکوال او محقق ښاغلي ډاکټر شهاب عزیر ارمان د دکتورا تیسس دی، چې په شپږو څپرکیو کې لیکل شوی او د افغانستان د علومو اکاډمۍ د اطلاعاتو او عامه اړیکو ریاست په وزیري سایز کې په ۱۲۰۳ مخونو کې په مجلد ډول چاپ کړی دی.
په دې اثر کې د رحمان بابا پر  پېژندګلوۍ، پيدايښت، قام قبيله، زده کړو، مذهبي عقيدې، اخلاقي حالت، سياسي شعور، د شاعرۍ پر فکري اړخونو بحث شوی، ورسره د  رحمان بابا په شاعرۍ کې پر اخلاقياتو،  تصوف، عشق او جمالياتو، انسان دوستۍ او رومانويت څېړنه شوې ده. همدا راز د رحمان بابا د شاعرۍ پر فني اړخونو، اسلوب او صنایعو بدایعو هم څېړنه شوې ده. د رحمان بابا په شاعرۍ کې د دين او مذهب يادونه او قرآني مضامين ذکر شوي دي. د رحمان بابا پر شاعرۍ د احاديثِ کريمه اثرات، تصوفي عقاید، د اسلام ارکان، د رحمان بابا په شاعرۍ کې دمخلوق حقونه، عالم ګیر انساني پيغام، اخلاقیات او اخلاقي رويې هم په ښه ډول څېړل شوې دي. دا اثر د ادبیاتو په ځانګړي ډول د رحمان باب د کلام مینه والو ته  د رحمان پوهنې او د رحمان بابا د شعرو شاعرۍ په برخه کې خورا ډېر نوي مطالب، موضوعات او خبرې لري.
د دې علمي – څېړنيز اثر د منځپانګې لومړي مخونه په لاندې لينک کې لوستلی او تر لاسه کولی شئ...
https://asa.gov.af/sites/default/files/2022-12/%D8%B1%D8%AD%D9%85%D8%A7%D9%86%20%D8%A8%D8%A7%D8%A8%D8%A7%20%D9%BE%D8%B1%20%D8%B4%D8%A7%D8%B9%D8%B1%DB%8D%20%D8%AF%20%D9%82%D8%B1%D8%A2%D9%86%20%D8%A7%D9%88%20%D8%AD%D8%AF%DB%8C%D8%AB%20%D8%A7%D8%AB%D8%B1%D8%A7%D8%AA.pdf

يادونه: دا کتاب د علومو اکاډمي له اطلاعاتو او عامه اړيکو رياست څخه په مناسبه بيه تر لاسه کولای شئ.
د اړيکې شمېره: ۰۲۰۲۲۰۱۲۷۹

تازه خبرونه

پنجشنبه ۱۴۰۴/۷/۱۷ - ۱۱:۲۷
Background image

د پښتنې مور پيغام- شننه او ارزونه

(علمي- څېړنيز کنفرانس) د افغانستان د علومو اکاډمۍ د پښتو څېړنو بين المللي مرکز علمي غړي څېړنوال دوکتور نورالحبيب نثار «د پښتنې مور پيغام- شننه او ارزونه» تر سرليک لاندې د بشري علومو د. . .

چهارشنبه ۱۴۰۴/۷/۱۶ - ۱۲:۲۴
Background image

په کابل اوبیزه حوزه کې د خاورو د ویجاړېدو (Erosion)

د ۱۴۰۴ لمریز کال د تلې میاشتې ۱۵نېټه د افغانستان د علومو اکاډمي د طبیعي – تخنیکي علومو معاونیت په تالار کې د یوې علمي – څېړنیزې غونډې په ترڅ کې د ځمکپوهنې مرکز د هایدرومیتیورولوجي. . .

سه‌شنبه ۱۴۰۴/۷/۱۵ - ۱۳:۴۲
Background image

د افغانستان او د امریکا د متحده ایالاتو ترمنځ سیاسي اړیکې ۱۳۸۰ - ۱۴۰۳ل

د ۱۴۴۷ هـ ق کال د ربیع الثاني د میاشتې په ۱۳ مه نېټه چې د ۱۴۰۴لمریز کال د تلې د میاشې له ۱۴ مې نېټې سره سمون خوري، د افغانستان د علومو اکاډمۍ د حقوقو او سیاسي علومو د انسټیټوټ علمي غړي(. . .

BACK TO NEWS