د سيمه ييز مطالعات ژورنال ۱۴۰۴ ل، د دويمې ربعې ۲يمه، پرله پسې ۷۷ يمه ګڼه چاپ شوه!
سيمه ييز مطالعات ژورنال د افغانستان د علومو اکاډمۍ د سيمه ييزو مطالعاتو مرکز علمي – څېړنيز ژورنال دی چې په ۱۳۸۵ ل. کې يې خپرېدل پيل شول، په ياد ژورنال کې د سيمې د هېوادونو پر سياسي، اقتصادي او کلتوري حالاتو همدارنګه له نړيوالو سازمانونو او سيمه ييزو بنسټونو سره د سيمې د هېوادونو او افغانستان پر اړيکو تحليلي بحثونه خپرېږي.
د سيمه ييز مطالعات ژورنال د دويمې ربعې ۲ ګڼه چې د ۱۴۰۴ ل، پرله پسې (۷۷) يمه ګڼه ده؛ د څېړندوی بشرمل زرغون تر مسؤليت او اهتمام لاندې چاپ شوه، ياده ګڼه ۱۹۱ مخونه لري، دغه ګڼه (افغانستان او سيمه؛ فرصتونه او ننګونې، لومړۍ برخه) د مقالو ځانګړې ټولګه ده چې په کې ۸ علمي- څېړنيزې مقالې خپرې شوې دي، سرليکونه يې په دې ډول دي:
۱- د افغان کډوالو اجباري را ايستل د پاکستان امنيت ته ګواښ؛ که د فشار وسيله؟ ليکوال: دوکتور مصباح الله عبدالباقي.
۲- د افغانستان اسلامي امارت او پاکستان د سياسي اړيکو پر وړاندې ننګونې او فرصتونه، ليکوال: څېړنوال عبدالصبور مبارز.
۳- د نشه يي توکو پر وړاندې د اسلامي امارت مبارزه؛ پر افغانستان او مرکزي آسيا يې اغېزې، ليکوال: څېړنوال رحمت الله همت مظلوم يار.
۴- د افغانستان له پولو تېرېدونکو اوبو حقوقي وضعيت څېړنه، ليکوال: څېړنوال ضياالحق ضيا.
۵- له ايران سره د افغانستان اسلامي امارت اړيکې؛ فرصتونه او ننګونې، ليکوال: څېړندوی عاشق الله اخلاصيار.
۶- د افغانستان او پاکستان په اړيکو کې همېشنۍ بې ثباتي او د افغان سوداګرۍ بديلونه، ليکوال: څېړندوی معصوم جان معصومي.
۷- په سيمه ييز ثبات کې د اسلامي امارت ونډه، ليکوال: څېړندوی محمداسماعيل اميري.
۸- د افغانستان اسلامي امارت پر وړاندې د هند بهرنۍ پاليسي؛ اندېښنې او د تعامل هڅې، ليکوال: څېړندوی احسان الله احسان.
ټول مينه وال، لوستونکي او محترم استادان يې د افغانستان د علومو اکاډمۍ د نشراتو او عامه اړيکو له رياسته په مناسب قېمت اخيستلای شي.
یاده مجله په بشپړ ډول له لاندې لینک څخه کتلې او ډاونلوډ کولاې شئ...
تاسې کولای شئ چې یاده ګڼه د افغانستان د علومو اکاډمۍ د اطلاعاتو او عامه اړیکو له ریاست څخه ترلاسه کړئ.
د اړيکې شمېره: ۰۲۰۲۲۰۱۲۷۹
