د فوکلور پوهنې سيمپوزيم (د مقالو ټولګه)
د تازه چاپ شوي اثر معرفي:
د فوکلور پوهنې سيمپوزيم (د مقالو ټولګه)
د سرمحقق زلمي هېوادمل په زيار
د مخونو شمېر: ۹ + ۱۶۰= ۱۶۹
د چاپ نېټه: ۱۳۹۹هـ. ش کال، د قوس مياشت
خپروونکی: د افغانستان د علومو اکاډمي د اطلاعاتو او عامه اړيکو رياست
د اثر لنډه معرفي:
د فوکلور پوهنې سيمپوزيم د هغه سيمينار د مقالو ټولګه ده چې په۱۳۶۵لمريز کال کې جوړ شوی و. د دې مقالو ټولګه په ۱۳۶۵لمريز کال په ګستتنر ډول چاپ شوې وه، خو اوس د دې لپاره چې نسخې يې نه موندل کېږي، د سرمحقق زلمي هېوادمل له بياکتنې او زياتونو سره يو ځل بيا چاپ او خپره شوه.
په دې مجموعه کې د کاندید اکاډمیسین الهام، اکاډمیسین دکتور عبدالاحمد جاوېد، کاندید اکاډمیسین محمد صديق روهي، محمد ابراهيم عطايي، پروفيسور شېرمحمدوف، سرمحقق دوست شینواری، څېړنمل ژواک، ګ. اسلانوف (د سرمحقق معتمد ژباړه)، څېړندوی عبدالله بختانی خدمتګار، اسدالله شعور او سرمحقق زلمي هېوادمل د فوکلور اړوند مقالې راغلې دي.
-------------------------------------------------------------------------
یادونه: دغه کتاب د علومو اکاډمي د اطلاعاتو او عامه اړیکو ریاست څخه په مناسبه بيه ترلاسه کولی شئ.
د اړيکې شمېره: 0202201279
