په فقه او قانون کې د لقیط او لقطې د احکامو څېړل
"د علمي- څېړنیزې پروژې دفاع "
د افغانستان د علومو اکاډمۍ، د اسلامي علومو معاونیت اړوند د فقهې او قانون مرکز د فقهې او اصول فقهې انسټیټوټ د فقهې څانګې غړي نوماند څېړندوی ضیاءالله عادل د نوماندۍ دورې د رفع کولو لپاره له خپلې یو کلنې علمي- څېړنيزې پروژې (په فقه او قانون کې د لقیط او لقطې د احکامو څېړل) څخه د علومو اکاډمي د څېړونکو، استادانو، پوهانو او د دفاع د ارزونې کمیسیون په وړاندې خپله دفاع ترسره کړه.
دا علمي- څېړنیزه رساله په سریزه، څلور څپرکو، پایلې، وړاندیزونو او مآخذونو مشتمله ده چې تفصیل يې په دې ډول دی:
په لومړي څپرکي کې د اړوندې موضوع شالید روښانه شوی دی.
په دویم څپرکي کې په فقه او قانون کې د لقیط او لقطې پېژندنه، ډولونو، شرطونو او ارکانو ته اشاره شوې ده.
په درېیم څپرکي کې په فقه او قانون کې د لقیط او لقطې احکام بیان شوي دي.
په څلورم څپرکي کې په فقه او قانون کې د لقیط او لقطې اړوند د ټولنې او دولت مسؤلیتونه معرفي شوي دي.
په پای کې د دې علمي- څېړنیزې پروژې پایله، وړاندیزونه او په رساله کې کارول شوي مآخذونه راوړل شوي دي.
د دې علمي- څېړنیزې پروژې د دفاع په پای کې د څېړونکي له خوا د څېړونکو، ګډونوالو او د کمیسیون د غړیو پوښتنو ته قناعت کوونکي ځوابونه وویل شول.
د غونډې په پای کې د یادې علمي- څېړنیزې پروژې د دفاع د ارزونې کمیسیون له لوري د رایو په اتفاق سره دا څېړنیزه پروژه مثبته وارزول شوه او څېړونکی یې له نوماند څېړندوی علمي رتبې څخه د څېړندوی علمي رتبې ته د ترفیع کولو وړ وباله.
