د سیمې د اوسني وضعیت په اړه تحلیلي کنفرانس وړاندې کړ

Ezatullah_admin
پنجشنبه ۱۴۰۳/۴/۱۴ - ۱۲:۲۱
سیمه ییز مطالعات

د افغانستان د علومو اکاډمۍ د بشري علومو معاونیت د سیمه ییزو مطالعاتو مرکز له لوري د سیمې د وروستیو حالاتو په اړه تحلیلي کنفرانس وړاندې کړ.

کنفرانس د قرانکریم د څو مبارکو ایاتونو په تلاوت سره پیل شو؛ ورپسې څېړونکو ته د موضوعاتو د وړاندې کولو بلنه ورکړل شوه. دغه کنفرانس څلور برخې درلودې.

د کنفرانس په لومړۍ برخه کې څېړنوال عبدالشکور سالنګي د مرکزي اسیا پر اوسنیو حالاتو رڼا واچوله او د مرکزي اسیا له هېوادونو سره یې د ا.ا.ا اړیکې وارزولې. نوموړي وویل چې افغانستان د مرکزي اسیا هېوادونو لپاره د مصرفي بازار او ټرانزیټي مسیر په توګه مهم ځای لري. د کنفرانس په دویمه برخه کې څېړندوی عمران زکریا له ا.ا سره د چین او روسیې د اړیکو په اړه خپل تحلیل وړاندې کړ. نوموړي یاده کړه چې افغانستان د سیمه ییزتوب پر لور روان دی چې له امله یې کولای شي امنیت، سیاسي ثبات او اقتصادي پرمختګ تجربه کړي.

د کنفرانس درېیمه برخه کې څېړندوی عبدالصبور مبارز په سیمه کې د ځمکنیو ټرانزیټي لارو پر وضعیت خبرې وکړې. د نوموړي په خبره؛ راتلونکي نړیوال نظم کې به ځمکنۍ لارې په نړیوال سیاست کې لوی اهمیت پیدا کوي چې افغانستان باید ورته تياری ولري. د کنفرانس په څلورمه برخه کې ښاغلي څېړندوی احسان الله احسان د جنوبي اسیا د هېوادونو اوسنی وضعیت تحلیل او د افغانستان د ا.ا. پر وړاندې یې د هند او پاکستان بهرنۍ پالیسۍ وارزولې.

د کنفرانس په پای کې د ګډونوالو له لوري ګڼې پوښتنې وشوې چې د کنفرانس د وړاندې کوونکو له لوري ورته قانع کوونکي ځوابونه ورکړل شول.

کنفرانس په اختتامیې دعا سره پای ته ورسېد.

تازه ترین اخبار

شنبه ۱۴۰۴/۱/۹ - ۱۱:۴۳
Background image

شمارۀ 81 مجلۀ علمی – تحقیقی تبیان به زیور چاپ آراسته شده

تبیان مجله ای است که از بخش علوم اسلامی اکادمی علوم به نشر می رسد، حاوی موضوعات عقیده، تفسیر و علوم القرآن، حدیث و علوم حدیث، سیرت، فقه، اصول فقه، تاریخ اسلام و ثقافت اسلامی می باشد،. . .

پنجشنبه ۱۴۰۴/۱/۷ - ۱۲:۳۶
Background image

بررسی واقعات پرکاری دندان‌ها و عوامل ناکامی آن در شهر کابل

محترم نامزد معاون محقق داکتر حجت‌الله موحد، عضو علمی مرکز علوم طب معاونیت بخش علوم طبیعی-تخنیکی اکادمی علوم افغانستان از پروژه علمی – تحقیقی خویش را تحت عنوان (بررسی واقعات پرکاری دندان. . .

سه‌شنبه ۱۴۰۴/۱۲/۲۸ - ۱۲:۹
Background image

بررسی سیستم‌های اقتصادی و طرح سیستم اقتصاد مناسب برای افغانستان

محترم معاون سرمحقق دکتر محمد حکیم حیدر، آمر انستیتوت اقتصاد، معاونیت علوم بشری، اکادمی علوم افغانستان پروژه علمی-تحقیقی خویش را به عنوان "بررسی سیستم‌های اقتصادی و طرح سیستم اقتصاد. . .

BACK TO NEWS