غونډې
د اسلامي اقتصاد او بانګدارۍ په اړه ناسته تر سره شوه ۳۰ قوس ۱۴۰۰
کابل : د اسلامي اقتصاد او بانګدارۍ د جوړیدو لپاره علمي ناسته د لیندۍ د میاشتې په ۳۰ نېټه د سه شنبې پر ورځ په علومو اکاډمۍ کې تر سره شوه، چې په دې علمي غونډه کې د علومو اکاډمي عمومي رئیس محترم شیخ الحدیث مولوي فریدالدین محمود، اسلامي علمومو د معاونیت پوهانو او څېړونکو په کې ګډون درلود.
په دې ناسته کې په اسلامي اقتصاد او بانګدارۍ بر سېره په مختلف النوع بیوع رباء او داسې نورو مسایلو باندې سلا مشورې وشوې .
اسلامي علومو معاونیت ته وظیفه وسپارل شوه چې په دې اړوند د یو مرکز د ایجاد مکمله بڼه جوړه او د عمومي رئیس سره یې شریکه کړي.
د علامه رشاد د زوکړې سلمې کالیزې د نمانځنې علمي څېړنيز سیمینار د علمي کمیسیون درېیمه ناسته
د علامه اکاډمیسین پوهاند عبدالشکور رشاد د زوکړې د سلمې کالیزې د نمانځنې د سیمینار د علمي کمیسیون درېیمه ناسته د زمري په ۱۳مه د چهارشنبې په ورځ په علومو اکاډمي کې ترسره شوه. په دې غونډه کې د علومو اکاډمي پر څېړونکو او استادانو سربېره د جمهوري ریاست فرهنګی سلاکار زرين انځور، د اطلاعاتو او فرهنګ وزارت سلاکار ډاکټر طارق رشاد، د ښار جوړونې او سرحدونو او قبایلو چارو وزارتونو استازو هم برخه اخیستې وه. په ناسته کې د سیمینار لپاره د علمي- تحقیقي مقالو په موضوعي لیکلړ بحث وشو او همدارنګه د یاد سیمینار لپاره چې کوم کتابونه چاپېږي، د هغو په اړه هم نظریات شریک شول.
د علومو اکاډمي د علمي شورا غونډه
د افغانستان د علومو اکاډمۍ علمي شورا خپله نوبتي غونډه د ۱۴۰۰هـ . ش کال د اسد مياشتې په ۵مه نېټه ترسره کړه. په دې غونډه کې د علومو اکاډمي د بېلا بېلو علمي برخو د علمي کادر د غړو علمي- څېړنيزې رسالې او د نويو علمي- تحقیقي پروژو پلانونه تایید او تصویب شول. پردې سربېره د علومو اکاډمي د علمي او اداري برخو پر مختلفو مسايل بحث او پرېکړې وشوې.
د اکاډميسين لایق په اړه د علمي – څېړنيز سیمینار د علمي کمیسیون غونډه
د اکاډمیسین سلیمان لایق د لومړي تلین په مناسبت د علمي – تحقیقي سیمینار د علمي کمیسیون دوهمه غونډه د علومو اکاډمي د بشري علومو د مرستيال څېړنپوه دکتور محمد علم اسحاقزي په مشرۍ په داسې حال کې ترسره شوه چې د علومو اکاډمي عمومي رئیس څېړنپوه دکتور عبدالظاهر شکیب هم په کې ګډون درلود. په دې غونډه کې د سیمینار لپاره د لیکل شویو مقالو پر ارزونې سربېره د سيمينار اړوند په نورو موضوعاتو خبرې او بحثونه وشول. په دې غونډه کې د علومو اکاډمي پر علمي غړو سربیره د سليمان لايق د فرهنګي او ادبي بنسټ غړو هم برخه اخيستې وه. تمه ده چې دغه سيمينار په نږدې راتلونکي کې ترسره شي.
د علامه رشاد د زوکړې د سلمې کالیزې په مناسبت د سیمینار د علمي کمیسیون دوهمه غونډه
د افغانستان د علومو اکاډمي د بشري علومو معاونیت د هېواد د نومیالي لیکوال، څېړونکي او ژبپوه علامه اکاډميسین عبدالشکور رشاد د زوکړې د سلمې کالیزې په مناسبت علمي – څېړنیز سمینار د جوړولو کمیسیون دوهمه غونډه نن (شنبه) د چنګاښ په ۱۹مه نېټه ترسره کړه.
د احمد شاه بابا د امپراطورۍ د (۲۷۵)يمې کلیزې د تدویر کمېسیون لومړنۍ غونډه
د احمد شاه بابا د امپراطورۍ د (۲۷۵)يمې کلیزې د تدویر کمېسیون لومړنۍ غونډه د جمهوري ریاست د چارو ادارې د فرهنګي او ټولنیزو چارو ریاست له لوري د چارو ادارې د دولت د چارو د انسجام مرستیال ډاکټر عبدالکریم توتاخېل، په فرهنګي چارو کې د جمهوري ریاست د عالي مقام سلاکار محمد زرین انځور په حضور کې د پوهنې، لوړو زده کړو، ښار جوړولو او ځمکو، د بهرنیو چارو، اطلاعاتو او فرهنګ، سرحدونو او قبایلو او مالیې وزارتونو، سیمه ییزو ارګانونو ادارې، د افغانستان د علومو اکاډمۍ ریاست، د ملي راډیو ټلویزیون ریاست مسوولینو او دغه راز د ویډیو کنفرانس له لارې په ایران کې د افغانستان سفیر او د کندهار پوهنتون استادانو په ګډون ترسره شوه.
د علومو اکاډمي د علمي شورا غونډه
د افغانستان د علومو اکاډمۍ علمي شورا خپله نوبتي غونډه د ۱۴۰۰هـ. ش کال د سرطان مياشتې په ۸مه نېټه ترسره کړه. په دې غونډه کې د علومو اکاډمي د بېلا بېلو علمي برخو د علمي کادر د غړو علمي- څېړنيزې رسالې او د نويو علمي- تحقیقي پروژو پلانونه تایید او تصویب شول. پردې سربېره د علومو اکاډمي د علمي او اداري برخو پر مختلفو مسايل بحث او پرېکړې وشوې.
د افغانستان دعلومو اکاډمي د علمي مرستیال په مشرۍ یو هیآت په افغانستان کې د یونسکو دفتر د رهبرۍ او مسؤلینو سره غونډه وکړه
26/3/1400-کابل- د علومو اکاډمي په دې غونډه کې چې په انلاین بڼه ترسره شوه، د علومو اکاډمي علمي مرستیال څېړنوال دکتور رفیع الله نیازی، د پښتو څېړنو نړیوال مرکز رئيس څېړنپوه دکتور سید محی الدین هاشمي، د کوشاني څېړنو نړیوال مرکز مشره څېړنواله فایقه لحظه، د علومو اکاډمي د دفتر رئیس شوکت الله عابد، محترم Jordan، محترم Philippe ، محترم محمد نعیم مموزی او محترم احمدنصیر دراني له دواړو لورو ګډون درلود.
د اکاډمیسین سلیمان لایق په اړه د علمي – څېړنيز سیمینار د کمیسیون غونډه
د اکاډمیسین سلیمان لایق د لومړي تلین په مناسبت د علمي – تحقیقي سیمینار د کمیسیون غونډه نن (سه شنبه) د علومو اکاډمي د بشري علومو د مرستيال څېړنپوه دکتور محمد علم اسحاقزي په مشرۍ ترسره شوه. په دې ناسته کې د سیمینار لپاره پر مقالو سربېره د سیمینار اړوندو نورو موضوعاتو بحث وشو.