د کابل مجلې الفبايي فهرست (۱۳۸۰ – ۱۳۹۹ل) اثر چاپ شو؛
د دغه اثر لیکوال څېړنپوه نصرالله ناصر دی. په دغه اثر کې د کابل مجلې د شلو کالو د مقالو فهرست د لیکوالو د نومونو د الفباء د تورو په ترتیب راغلی دی. ((کابل مجله)) د افغانستان د علومو اکاډمۍ خپرنیز ارګان دی چې د بشري علومو د معاونیت د ژبو او ادبیاتو مرکز د پښتو ژبې او ادبیاتو انستیتوت له خوا خپرېږي. په دغه مجله کې د بېلابېلو تکړه او نوموتو لیکوالو او څېړونکو ادبي، ژبنۍ او فولکلوري علمي ـ څېړنیزې مقالې خپرېږي چې د پښتو ژبې او ادب په غنامندۍ کې یې ونډه جوته ده. د کابل مجلې د ځينو کلونو د مقالو الفبايي فهرست که څه هم د کابل مجلې په ځينو ګڼو کې چاپ شوی، خو بیا هم د اهمیت له مخې اړتیا ورته لیدل کېدله چې د کابل مجلې د (۱۳۸۰ – ۱۳۹۹ل) کلونو د ګڼو فهرست دې ترتیب او د ځانګړي اثر په توګه چاپ شي چې دا دی دغه فهرست چاپ شو. دغه اثر به د ژبې او ادب له څېړونکو سره د ژبنيو، ادبي او فولکلوري موضوعاتو په څېړلو کې مرسته او کومک وکړي. تاسې کولی شئ چې یاد اثر د افغانستان د علومو اکاډمۍ د اطلاعاتو او عامه اړیکو له ریاست څخه یې ترلاسه کړئ.
د دې علمي – څېړنيز اثر د منځپانګې لومړي مخونه په لاندې لينک کې لوستلی او تر لاسه کولی شئ...
يادونه: دا کتاب د علومو اکاډمي له اطلاعاتو او عامه اړيکو رياست څخه په مناسبه بيه تر لاسه کولای شئ.
د اړيکې شمېره: ۰۲۰۲۲۰۱۲۷۹
