«د پښتو او پشه يي ژبې ګرامري نژدېوالی» علمي – څېړنيز اثر چاپ شو

دا اثر ارواښاد پوهنمل نورمحمد غمجن تميل ليکلی، په ۱۷۹ مخونو کې د افغانستان د علومو اکاډمۍ د اطلاعاتو او عامه اړيکو رياست له لوري چاپ شو.

دا اثر درې برخې لري.

لومړۍ برخه - غږپوهنه يا فونولوجي: په دې برخه کې د پښتو او پشه يي ژبې فونولوجي، فونيم او ګرافيم څېړل شوي دي.

دويمه برخه- د پښتو او پشه يي ژبې مورفولوجي یا صرف: په دې برخه کې د نوم صرف، په پښتو او پشه يي کې نوم او د نوم ډولونه، په پښتو او پشه يي کې د اسم تصغير علامې، په پښتو او پشه يي کې د مذکر او مونث نوم نښې، په پښتو او پشه يي کې د يوه نوم د جمعې علامې، په پښتو او پشه يي کې صفت، ضمير په پښتو او پشه يي کې، اسم عدد په پښتو او پشه يي کې، فعل او مصدر په پښتو او پشه يي کې، د فعل صرف په پښتو او پشه يي کې، کومکي فعلونه په پښتو او پشه يي ژبه کې، قيدونه په پښتو په او پشه يي کې، ادوات په پښتو او پشه يي کې.

درېيمه برخه- نحو يا سينټکس: په دې برخه کې د پښتو او پشه يي ژبې نحو، جمله په پښتو، د جملې د جوړېدو عناصر په پښتو او پشه يي کې، په پښتو او پشه يي ژبه کې د يوې جملې معنوي ډولونه، په پښتو او پشه يي ژبه کې د جملې لفظي ډولونه، اصطلاحات او ډولونه يې په پښتو او پشه يي کې.

د دې علمي اثر د محتوياتو لومړني مخونه په لاندې لينک کې لوستلی او ترلاسه کولی شئ:

https://asa.gov.af/.../%D8%AF%20%D9%BE%DA%9A%D8%AA%D9%88...

د کتاب مينه وال کولای شي دا اثر د افغانستان د علومو اکاډمي د اطلاعاتو او عامه اړيکو له رياست څخه يې په مناسبه بيه واخلي.

د اړيکې شمېره: 0202201279