د خواشينۍ پيغام!
په ډېرې خواشينې سره مو خبر تر لاسه کړ چې د پښتو ژبې او ادب نامتو ليکوال ،شاعر، اديب او فولکلور پېژوندونکی پروفيسر ولي محمد سيال کاکړ په حق رسيدلى دى. انا لله و انا اليه راجعون
ارواښاد پروفيسر سيال کاکړ د خپل عمر زياته برخه د پښتو ژبې، ادب او د فرهنګ خدمت ته وقف کړې وه، په سلګونو شاګردان يې وروزل، ددې تر څنگ پروفيسر سيال کاکړ يو افغان دوست شخصيت هم وو، هغه خپله ټوله علمي خزانه چې په زرګونو چاپي او قلمي اثار په کې شامل وو، د افغانستان د علومو اکاډمي کتابتون ته اهدا کړي دي چې د علم او پوهې مينه وال ترې ګټه اخلي او د هغه لپاره صدقه جاریه ده.
د ارواښاد پروفيسر سيال کاکړ وفات نه يوازې د سهيلي پښتونخوا د ولس او د هغه د کورنۍ لپاره لويه ضايعه ده، بلکې د پښتو ژبې، ادب او فرهنګ لويې کورنۍ ته هم ستره ضايعه ده، موږ د لوى خداى له درباره ارواښاد ته د فردوس جنت غوښتونکى يو او دده کورنۍ، دوستانو او ملګرو ته د سترڅښتن له درباره جميل صبر غواړو.
الحکم لله
