د اجتماعي علومو د مرکز له علمي غړو سره ناسته ترسره شوه

کابل: د افغانستان د علومو اکاډمي د بشري علومو معاونيت له خوا د دې معاونيت د ټولنيزو علومو مرکز د علمي- څېړنيړو او اداري کارونو د لا ښه والي لپاره له علمي غړو سره ناسته ترسره شوه.

دغه ناسته چې د ۱۳۹۹هـ. ش کال د سنبلې په ۱۱مه د سه شنبې په ورځ جوړه شوه، په کې د اجتماعي علومو د مرکز رئيس څېړنپوه شېرعلي تزري د دې مرکز د علمي- تحقیقاتي چارو لنډ ګزارش وړاندې کړ او بيا د تاریخ او اتنوګرافۍ، اقتصاد، ټولنپوهنې او فلسفې، ژورناليزم او حقوقو انستیتوتونو آمرينو او علمي غړو په دې اړه خپل نظريات او وړانديزونه شريک کړل.

د علومو اکاډمي د بشري علومو د برخې مرستیال څېړنپوه دکتور محمد علم اسحق زي له ټولو استادانو څخه د مننې په څرګندولو سره وويل چې په شريکه به د دې مرکز د لا نور پرمختګ او د کارونو د لا ښه والي لپاره هڅې کوي، د دوی نظريات او پيشنهادات به د علومو اکاډمي له مشرتابه سره شريکوي او د حل لارې چارې به ورته مومي.