د افغانستان په علومو اکاډمي کې د شیخ الحدیث قضاوتپوه دوکتور نورمحمد ثاقب د علمي غړیتوب او څېړنپوه/ سرمحقق علمي رتبې په ویاړ غونډه جوړه شوه؛

Ezatullah_admin
دوشنبه ۱۴۰۲/۹/۱۳ - ۱۰:۳۵
د افغانستان په علومو اکاډمي کې د شیخ الحدیث قضاوتپوه دوکتور نورمحمد ثاقب د علمي غړیتوب او څېړنپوه/ سرمحقق علمي رتبې په ویاړ غونډه جوړه شوه؛

غونډه د پل خشتي لرغوني او مرکزي جامع جومات د امام قاري فرید الله غفوري له خوا د قرآن کریم د څو مبارکو آیتونو په تلاوت سره پیل شوه، په سر کې د افغانستان د علومو اکاډمي مرستیال شیخ الحدیث مولوي امیرجان ثاقب پرانیستونکې وینا وکړه او د غونډې ټولو ګډونوالو ته یې ښه راغلاست ووایه.

وروسته د غونډې ګډونوالو ته د څېړندوی ضیاءالحق سیند له خوا د شیخ الحدیث دوکتور نورمحمد ثاقب د علمي رتبې د وړاندیز او حکم متن ولوستل شو، ورپسې د چارو ادارې د څارنې او پالیسۍ مرستیال مولوي عبدالولي حقاني د شیخ الحدیث دکتور نور محمد ثاقب ژوند لیک ولوست.
بیا د مرکزي جهادي مدرسې مهتمم شیخ الحدیث مولوي عزیز الله دروېش د ښاغلي ثاقب د ژوند په علمي، فرهنګي، ټولنیز او جهادي اړخونو باندې باندې رڼا واچوله او ورپسې د کابل د علماو شورا رئیس خلیفه دین محمد صاحب د علم د ارزښت او اهمیت په اړه وینا وکړه او ترڅنګ یې د ښاغلي ثاقب صاحب په علمي او جهادي اړخونو باندې خبرې وکړې او د غونډې په وروستۍ برخه کې ښاغلي شیخ الحدیث قضاوتپوه دوکتور نورمحمد ثاقب د افغانستان د تاریخي او علمي مقام په اړه هر اړخیزه وینا وکړه.

د غونډې په پای کې د علومو اکاډمي د مشرتابه  له لوري د شیخ الحدیث مولوي امیرجان ثاقب په ګډون د چارو د ادارې رئیس نور الحق انور او د ښار جوړونې وزیر مولوي حمد الله نعماني په لاسونو ښاغلي شیخ الحدیث قضاوتپوه دوکتور نورمحمد ثاقب ته د څېړنپوه (سرمحقق) علمي رتبې سند ورکړل شو.
د علومو اکاډمي د ټاکل شوي علمي کمیسیون له لوري د شیخ الحدیث قضاوتپوه دکتور نور محمد ثاقب د علمي _ تحقیقي آثارو له ارزونې وروسته نوموړي ته د څېړنپوه علمي رتبه او د علومو اکاډمي علمي غړیتوب ورکړل شو.

غونډه د شیخ الحدیث مولوي محمد اسماعیل رحماني په دعائیې سره پای ته ورسېده.

تازه خبرونه

پنجشنبه ۱۴۰۲/۱۱/۱۲ - ۱۰:۳
Background image

د اسلامي امارت فرهنګي لاسته راوړنې

«علمي – څېړنیز کنفرانس» ځای: د علومو اکاډمي د بشري علومو معاونیت نېټه: ۱۴۰۲/۱۱/۱۱ل.ل د پښتو څېړنو نړۍوال مرکز علمي غړي څېړنوال رحمت الله هوتک ( د اسلامي امارت فرهنګي لاسته راوړنې) تر. . .

دوشنبه ۱۴۰۲/۱۱/۹ - ۱۱:۵۲
Background image

په ننګرهار کې ستروسو ته د زیان رسوونکو حشرو څېړنه

«د علمي – څېړنیزې پروژې دفاع» څېړنوال دوکتور ګل شاه آرینوال په 1402/11/08 نېټې له خپلې علمي – څېړنیزې پروژې (په ننګرهار کې ستروسو ته د زیان رسوونکو حشرو څېړنه) بریالۍ دفاع وکړه.

دوشنبه ۱۴۰۲/۱۱/۲ - ۱۶:۴
Background image

محترم مفتي ابو سعید راشد د افغانستان د علومو اکاډمي د اسلامي علومو د معاون په حیث معرفي شو

د عالیقدر امیرالمؤمنین حفظه الله د حکم پر اساس مفتي ابو سعید راشد د افغانستان د علومو اکاډمي د اسلامي علومو د معاون په حیث وټاکل شو

BACK TO NEWS