د سپېدې مجلې د خپرنيز بهير ارزونه

Ezatullah_admin
چهارشنبه ۱۴۰۳/۱۱/۱۰ - ۱۱:۳۵
څېړنوال دکتور نورالحبيب نثار

د افغانستان علومو اکاډمۍ د پښتو څېړنو بين المللي مرکز علمي غړي څېړنوال دکتور نورالحبيب نثار د ۱۴۰۳ل کال د «د سپېدې مجلې د خپرنيز بهير ارزونه» تر سرليک لاندې د علومو اکاډمۍ د بشري علومو معاونيت په مقام کې علمي- څېړنيز کنفرانس ورکړ.

دکتور نثار د سپېدې ادبي او کلتوري مجلې د اهميت په باره کې وويل چې د افغانانو د هجرت او جهاد د ادبياتو په پنځولو، هنري کولو او څېړلو کې يې لوی نقش لرلی او د خپل وخت مهم ادبي، فرهنګي، سياسي او ټولنيز انځورونه او تمايلات يې راښوولي دي، کتنه او ارزونه يې عموماً د ادبياتو، خصوصاً د مهاجرت او جهاد د ادبياتو د ډګر له محققانو سره مرسته کوي او د هغه وخت د ليکنو د اسلوبونو او ژبنيو ځانګړنو پرتليزې څېړنې ورته اسانوي. کنفرانس پر دې مسائلو متمرکز و چې سپېدې څه وړ يوه مجله ده؟ کله او چېرته چاپ او خپرېده؟ مشر، مسؤول مدير، کتونکې ډله او قلمي همکاران يې څوک وو؟ د سپېدې مجلې د چاپ او خپراوي موجبات او محرکات څه وو؟ په سپېدې مجله کې څه وړ مطالب خپرېدل او کوم ادبي ژانرونه يې روزلي او غوړولي دي؟ سپېدې مجلې د هجرت او جهاد د ادبي آثارو په هنري کولو کې څه نقش لوبولی دی؟ سپېدې مجلې، په ټوله کې، پر پښتو پنځونيز او څېړنيز بهير څه اثرات لرلي دي؟ د دکتور نثار پر باور، څرنګه چې سپېدې مجله د هجرت او جهاد د ادبياتو د خپراوي يوه مهمه زمينه وه، نو د دغو ادبياتو د څېړنې په مخه د موادو او مدارکو يوه مهمه اساسي منبع ده؛ مفصله کتنه، ځيرنه او څېړنه غواړي.

د کنفرانس په وروستۍ برخه کې دکتور نثار، اړوندو مراجعو ته پر مشخصو وړانديزونو سربېره، د پوهانو او څېړونکيو پوښتنو ته ځوابونه وويل؛ د ارزونې کمیسیون دغه کنفرانس مثبت او مفيد وارزاوه.

تازه خبرونه

دوشنبه ۱۴۰۵/۸/۴ - ۱۶:۱۰
Background image

د افغانستان د علومو اکاډمي د دعوت او ارشاد اړوند د سيرت او صورت د اصلاح په موخه اصلاحي او توصیوي غونډه ترسره شوه

کابل، افغانستان: نن دوه‌نۍ / دوشنبه د ۱۴۴۸ هجري قمري کال د جمادی الأولی ۱۴مه (۴ / ۸ / ۱۴۰۵ ل) د افغانستان د علومو اکاډمۍ د دعوت او ارشاد ریاست تر سرپرستۍ لاندې، کارکوونکو ته په اسلامي. . .

شنبه ۱۴۰۵/۸/۲ - ۱۰:۲۱
Background image

د پښتو څېړنو نړيوال مرکز علمي مجله((پښتو )) د چاپ په ګاڼه سمبال شوه

پښتو مجله د پښتو څېړنو نړيوال مرکز خپرنيز ارګان دی، په دغه مجله کې د پښتنو اتنيکي،ادبي، تاريخي، اقتصادي او ټولنيزو برخو کې د څېړونکو څېړنيزې مقالې د يونيسکو په ژبو باندې خپرېږي، دغه. . .

پنجشنبه ۱۴۰۵/۷/۳۰ - ۹:۳۹
Background image

د څو قطبي کېدو پر لوري د نړیوال نظم تګ؛ پر جنوبي اسیا او افغانستان یې اغېزې

د افغانستان د علومو اکاډمۍ د سیمه ییزو مطالعاتو مرکز د جنوبي اسیا د مطالعاتو انسټیټوټ علمي غړي څېړنوال ضیاءالحق ضیا د ۱۴۰۵لمریز کال د میزان میاشتې په ۲۹ نېټه د بشري علومو په معاونیت کې. . .

BACK TO NEWS