د علومو اکاډمي د درېيو متقاعدو استادانو ویاړ غونډه جوړه شوه

Ezatullah_admin
سه‌شنبه ۱۳۹۹/۱۱/۷ - ۹:۳۰
د علومو اکاډمي د درېيو متقاعدو استادانو ویاړ غونډه جوړه شوه

د افغانستان د علومو اکاډمي د ژبو او ادبیاتو مرکز د پښتو ژبې او ادبیاتو انستیتوت د درېيو پياوړو څېړونکو او استادانو هر یو څېړنپوه نصرالله ناصر، څېړنپوه مولاجان تڼېوال او څېړنوال زکریا ملاتړ د ترسره کړو علمي – څېړنیزو خدمتونو په پار ویاړ غونډه جوړه شوه.

دغه غونډه د ژبو او ادبياتو مرکز د پښتو ژبې او ادبياتو انستيتوت په نوښت او د دري ژبې او ادبياتو انستيتوت په همکارۍ جوړه او ترسره شوه.

د غونډې په پیل کې د علومو اکاډمي عمومي رئیس څېړنپوه دکتور عبدالظاهر شکیب له نوموړو استادانو سره د خاطرو د یادولو ترڅنګ وویل، يادو شويو درېيو استادانو کابو نيمه پېړۍ د علم، فرهنګ او ادبیاتو په برخه کې کار کړی او اوس يې هم کوي، چې د دوی دغه خدمات د قدر وړ دي. دوی ټولو ځوان علمي کدرونه علمي- څېړنيو مسايلو ته متوجه کړي او هڅولي دي.

د ژبو او ادبیاتو مرکز رئیسې څېړنوالې عاطفې نورستانۍ وویل، يادو شويو درېيو استادانو مونږ ته قلم په لاس کې راکړی او په علمي برخه کې يې د څېړنو لپاره لارښوونې کړې او لاسنيوی یې کړی دی.

د ژبو او ادبیاتو مرکز علمي غړي څېړنپوه شریف الله شریف وویل، استاد ناصر، استاد تڼيوال او استاد ملاتړ تل د علومو اکاډمي په ځلولو کې ونډه اخيستې او وياړونه يې ور په برخه کړي دي.

ورپسې څېړنوال سید نظیم سیدي، څېړندویې مارینا بهار، څېړنپوه محمد نبي صلاحي، څېړنوال محمد اصف احمدزی، شوکت الله عابد، شجاع الله امان، څېړندوی رحیم الله حریفال، څېړنوال دکتور عبدالاحد منګل، څېړنيار یاسر پاچا او څېړندويې سميلې احمدزۍ له نوموړو استادانو سره خپلې خاطرې بیان کړې. د هغوی علمي چارې يې وستايلې او په راتلونکي کې يې ورته د لا ډېرو برياليتوبونو او سرلوړيو هيله وکړه.

د غونډې په وروستيو شېبو کې څېړنپوه نصرالله ناصر ته د هغه د ترسره کړيو ښو خدمتونو په پار د اعزاز لونګۍ ور په سره شوه.

په پای کې څېړنپوه نصرالله ناصر د دې غونډې له جوړوونکو څخه په مننې کولو سره وويل، دی به تل د علومو اکاډمي په خدمت کې وي او خپله علمي همکاري به له علومو اکاډمي سره جاري ساتي.

د ده په وينا، د رسمياتو پرمهال اداري کارونه د دې لامل شوي وو چې خپل مسلک ته، څنګه چې لازمه وه، هومره کار يې نه دی کړی، خو تردې وروسته به خپلو علمي- څېړنيزو چارو ته دوام ورکوي.

د يادولو ده چې ښاغلی ناصر او ښاغلی تڼيوال د ۱۳۹۹ کال په پای کې او ښاغلی ملاتړ د ۱۳۹۸ کال په پای کې تقاعد شول.

هېره دې نه وي چې په دې غونډه کې څېړنپوه مولاجان تڼيوال او څېړنوال زکريا ملاتړ د ځينو ستونزو له امله ګډون نه و کړی.

تازه خبرونه

دوشنبه ۱۴۰۴/۱/۴ - ۱۲:۶
Background image

"د افغانستان د مهاجرت ادبيات" سیمینار د مقالو ټولګه چاپ شوه

دا ټولګه په (۱۲+ ۴۶۷= ۴۷۹) مخونو کې د افغانستان د علومو اکاډمۍ د اطلاعاتو او عامه اړیکو ریاست له خوا په وزيري سایز کې د څېړنپوه محمد آصف احمدزي په سريزه، تدوین او اهتمام چاپ شوه. دا. . .

دوشنبه ۱۴۰۴/۱/۴ - ۱۰:۵۴
Background image

قرآن کریم او د روژې مبارکه میاشت

نن یکشنبه د ۱۴۴۶ هـ ق کال د رمضان المبارک ۲۳مه د افغانستان د علومو اکاډمي د اسلامي علومو معاونيت د تفسیر او حدیث مرکز په نوښت د قرآن عظیم الشان د نزول په مناسبت د « قرآن کریم او د روژې. . .

شنبه ۱۴۰۴/۱/۲ - ۱۲:۵۳
Background image

د سيمه ييز مطالعاتو ژورنال نوې ګڼه (۷۰-۷۱) چاپ شوه!

سيمه ييز مطالعات ژورنال د افغانستان د علومو اکاډمۍ د سيمه ييزو مطالعاتو د مرکز علمي – څېړنيز ژورنال دی چې په ۱۳۸۵ هـ.ل. کال کې يې خپرونې پېل کړې،. په دغه ژورنال کې د سيمې د هېوادونو پر. . .

BACK TO NEWS