د محمد زرین انځور «د شاړې کوڅې» د اثر منظر کښنه
«علمي ـ څېړنیز کنفرانس»
د افغانستان د علومو اکاډمي د بشري علومو معاونیت د ژبو او ادبیاتو مرکز د پښتو ژبې او ادبیاتو انسټیټوت د ادبیاتو او متنپوهنې ډیپارټمنټ علمي غړي ښاغلي څېړندوی حضرت آغا همدرد نن چهارشنبه د ۲۷/۱۰/۱۴۰۲ل نېټه د (د محمد زرین انځور «د شاړې کوڅې» د اثر منظر کښنه) تر سرلیک لاندې علمي ـ څېړنیز کنفرانس وړاندې کړ. د کنفرانس په پيل کې د اثر د لیکوال او د اثر لنډه پېژندنه وشوه؛ بیا د منظر کښنې پېژندنه، ډولونه او ځانګړنې وړاندې شوې او په پای کې د «شاړې کوڅې» لنډو کیسو په ټولګه کې، منظرکښنې د بېلګو سره وړاندې شوې. څېړونکي د خپلو خبرو په پای کې د محمد زرین انځور «د شاړو کوڅې» د اثر منظرکښنه د لنډې کیسو د منظرکښنو د اصولو او معیارونو مطابق یادې کړې.
د کنفرانس په پای د علومو اکاډمۍ د پښتو ژبې او ادبياتو انسټیټوټ علمي غړو خپلې پوښتنې د کنفرانس د موضوع په تړاو مطرح کړې چې د څېړونکي له خوا ټولو ته مثبت ځوابونه وویل شول؛ د کنفرانس د ارزونې کمېټې له خوا کنفرانس مثبت وارزول شو.
