د دعوت او ارشاد ریاست په مشرۍ اصلاحي غونډه ترسره شوه
د افغانستان د علومو اکاډمۍ د علامه احمد علي کهزاد د سیمینارونو او کنفرانسونو په تالار کې د دعوت او ارشاد ریاست په مشرۍ اصلاحي غونډه ترسره شوه، یاده غونډه د محترم قاري صاحب مطیع الله ستاري لخوا د قرآن کریم په څو مبارکو آیتونو پیل شوه.
د غونډې په پیل کې د علومو اکاډمي حقوقي سلاکار قاري صاحب رحمت الله مخلص مشرانو ته د عزت او په کشرانو د ترحم په اړه هر اړخیزې خبرې وکړې، ورپسې د ارشاد او دعوت ریاست مدرس څېړندوی سمیع الله صاحبزاده د نیت د ارزښت او اهمیت په اړه تفصیلي وینا وکړه.
یاده غونډه د څېړنوال عزیز ګل ساپي په دعائیې سره پای ته ورسېده.
