په سوېلي اسیا کې د هستوي وسلو پراختیا او افغانستان ته یې پېښ خطرونه "علمي ـ تحقیقی کنفرانس"

کابل: په سوېلي اسیا کې د هستوي وسلو پراختیا او افغانستان ته یې د پېښو خطرونو (د ډیټیرینس نظریې پر اساس) تر عنوان لاندې علمي ـ څېړنیز کنفرانس د روان لمریز کال د سرطان میاشتې په ۲۵مه نېټه د افغانستان د علومو اکاډمۍ د سیمه ییزو مطالعاتو د مرکز د علمي غړي څېړندوی ضیاءالحق ضیاء له خوا وړاندې شو.

د دې کنفرانس د وړاندې کولو موخه په سوېلي اسیا کې د هستوي وسلو پراختیا، د هستوي ډیټیرینس د نظریې پر اساس د دې پراختیا ګټې او زیانونه او د افغانستان پر ملي حاکمیت، ځمکنۍ بشپړتیا او ملي امنیت یې د اغېزو څېړل و.

د دې څېړنیز کنفرانس په پایله کې ثابته شوه چې د هستوي ډیټیرینس له نظریې سره سم، که څه هم په سوېلي اسیا کې د هستوي وسلو شتون او پراختیا د هند او پاکستان ترمنځ د لویو شخړو مخه نیولې، خو د افغانستان د ملي حاکمیت او ځمکنۍ بشپړتیا لپاره خطرناکې پایلې لري او په راتلونکي کې یې بدې اغېزې له ورایه ښکاري.