د تازه چاپ شوي اثر معرفي
د بیان آزادی د اسلامي شریعت له نظره «د مقالو ټولګه»
لیکوالان: بېلا بېل
د پاڼو شمېر: ۲۴۰
د چاپ کال: ۱۳۹۹هـ. ش، د عقرب مياشت
خپروونکی: د افغانستان د علومو اکاډمي د اطلاعاتو او عامه اړیکو ریاست
-------------------------------------------------------------------------
دغه اثر د هغه علمي- څېړنیز سیمینار د مقالو ټولګه ده چې د علومو اکاډمۍ د اسلامي علومو د معاونیت د تفسیر او حدیث د مرکز په زیار د ۱۳۹۷ لمریز کال د لړم په ۱۴مه نېټه په علومو اکاډمۍ کې جوړ شوی و.
په یاد سیمینار کې د بېلابیلو ادارو پر پيغامونو او علمي ویناوو سربېره د څېړونکو له خوا د اسلامي شریعت له نظره د بیان د آزادۍ پېژنده، مشروعیت، حکمت، اهمیت او ارزښت، پولو، ځانګړنو، اغېزو، او د هېواد په پرمختګ کې یې د رول او ونډې په اړه هر اړخیزې علمي- څېړنیزې مقالې وړاندې شوې او د هېواد د پرمختګ او سمون په موخه رغنده او عملي طرحې او وړاندیزونه اړوندو ادارو او مراجعو ته واندې شول.
دا دی د دغه سیمینار د مقالو ټولګه چاپ شوه، تر څو معلومات او لاسته راوړنې يې په چاپي بڼه له درنو هېوادوالو سره شریکې شي.
-------------------------------------------------------------------------
یادونه: دغه کتاب د علومو اکاډمي د اطلاعاتو او عامه اړیکو ریاست څخه په مناسبه بيه ترلاسه کولی شئ.
د اړيکې شمېره: 0202201279
